दहावीत सर्वाधिक गुण मिळवणाऱ्या विद्यार्थिनीच्या हस्ते ध्वजारोहण!
सिंदेवाही तालुक्यातील भेंडाळा येथे उत्साहात साजरा झाला ८० वा स्वातंत्र्यदिन
मिथुन मेश्राम – मुख्य संपादक पब्लिक समाचार न्यूज
चंद्रपूर जिल्ह्याच्या सिंदेवाही तालुक्यातील भेंडाळा येथे आज दिनांक १५ ऑगस्ट २०२६ रोजी ८० वा स्वातंत्र्यदिन अतिशय उत्साहात साजरा करण्यात आला. दरवर्षीप्रमाणे यंदाही गावातील दहावी किंवा बारावीच्या परीक्षांमध्ये सर्वाधिक गुण मिळवणाऱ्या विद्यार्थ्याकडून ध्वजारोहण करण्यात आले.
यावर्षी हा बहुमान कु. हसरी देवानंद बन्सोड हिला मिळाला आहे. तिला इयत्ता दहावीच्या परीक्षेत ९२.८०% गुण प्राप्त झाले आहेत. तिच्या हस्ते ध्वजारोहण करून ग्रामस्थांनी तिचा सत्कार केला आणि पुढील शैक्षणिक वाटचालीसंदर्भात तिला शुभेच्छा दिल्या.
कार्यक्रमाला मान्यवरांची उपस्थिती
या कार्यक्रमात ग्रामपंचायत भेंडाळा येथील सरपंच राजू पाटील बन्सोड, उपसरपंच त्रिशरन गणवीर, ग्रामपंचायत सचिव मानकर तसेच ग्रामपंचायत सदस्य आणि इतर कर्मचारी उपस्थित होते. तसेच जि.प. प्राथमिक शाळेच्या मुख्याध्यापिका राऊत मॅडम, इतर शिक्षक वर्ग, विद्यार्थीगण, अंगणवाडी सेविका, अंगणवाडी मदतनीस,आशा वर्कर्स , कृषी सखी, पशु सखी, महिला बचत गटाच्या अध्यक्षा, गुरुदेव सेवा मंडळाचे सर्व पदाधिकारी व गावातील तरुण मंडळी आणि ज्येष्ठ व्यक्ती मोठ्या संख्येने उपस्थित होत्या.
सर्वांनी या राष्ट्रीय पर्वात सहभाग घेऊन आपल्या देशप्रेमाची व देशभिमानाची जाणीव करून दिली. कार्यक्रमाच्या शेवटी सर्वांना स्वातंत्र्यदिनाच्या हार्दिक शुभेच्छा देण्यात आल्या.
