राजेंद्र खांडेकर यांचा निरोप समारंभ
आदर्श शिक्षण मंडळ द्वारा आयोजित छोटूभाई पटेल हायस्कुल, शिवाजी चौक, चंद्रपूर येथील शाळेमधील कार्यरत असलेले राजेंद्र खांडेकर यांचा ३१ जानेवारी २०२६ रोजी निरोप समारंभ आयोजित करण्यात आला होता. कार्यक्रमाला आदर्श शिक्षण मंडळाचे कार्याध्यक्ष जितेशभाई (लोटी) पटेल तसेच कार्यक्रमाचे अध्यक्ष शाळेचे मुख्याध्यापक श्री. राजु मानकर, सुपरवायजर श्री. विकास निंबाळकर यांच्या प्रमुख उपस्थितीत निरोप समारंभ आयोजित करण्यात आला.
राजेंद्र खांडेकर मागील ३२ वर्षापासून छोटूभाई पटेल हायस्कुल या शाळेमध्ये कार्यरत होते. त्यांनी शिक्षकेत्तर संघटनेमध्ये अविरोध जिल्हा उपाध्यक्ष निवडूण आलेले आहे व त्यांचा शिक्षकेत्तर संघटना वाढविण्याकरीता मोलाचे योगदान आहे. तसेच छोटूभाई पटेल हायस्कुलमध्ये मनमिळावू स्वभावाचे असल्यामुळे सर्व शिक्षक, शिक्षिका व शिक्षकेत्तर कर्मचारी यांच्याशी उत्तम वागणुक असल्यामुळे संघटना व शाळेतर्फे राजेंद्र खांडेकर यांचा निरोप समारंभ कार्यक्रम करण्यात आला.
या निरोप समारंभाप्रसंगी कार्याध्यक्ष जितेश पटेल, मुख्याध्यापक राजु मानकर, सुपरवायजर विकास निंबाळकर, शिक्षक व शिक्षिका शिक्षकेत्तर कर्मचारी मोठ्या संख्येने उपस्थित होते.
