१२ क्विटल सलाख चोरीचा गुन्हा उघड / एकुण ३७,८००/- रुपयाचा माल जप्त
पोलीस स्टेशन पाथरी ची कामगिरी
पोलीस स्टेशन पाथरी येथे दि. ३१ जानेवारी, २०२६ रोजी तक्रार प्राप्त झाली होती की, असोला मेंढा प्रकल्पाचा पाथरी जवळील कॅनल मध्ये टायगर पासचे काम सुरु असुन सदर कंस्ट्रक्शन साईट वरुन १२६ सलाख वजन अंदाजे १२ क्विटल ६० किलो किं.अं. ३७,८००/-रुपयाचा माल चोरीस गेला आहे. यावरुन पोलीस स्टेशन ला चोरीचा गुन्हा नोंदवुन तपासात गोपनिय माहितीवरुन आरोपी नामे (१) रामभाऊ वकटुजी ठिकरे वय ५४ वर्ष व त्याची दोन मुले (२) अमित रामभाऊ ठिकरे वय ३० वर्ष (३) जयंत रामभाऊ ठिकरे वय २८ वर्ष सर्व रा. पाथरी यांना ताब्यात घेवुन विचारपुस केली असता त्यांनी सदर गुन्हा केल्याची कबुली दिल्याने त्याच्या ताब्यातुन चोरीस गेलेले संपुर्ण माल १२६ सलाख वजन अंदाजे १२ क्विटल ६० किलो किं.अं. ३७,८००/-रुपयाचा माल जप्त करण्यात आला आहे. पुढील तपास सुरु आहे.
सदरची कामगिरी पोलीस अधीक्षक श्री मुम्मका सुदर्शन, अपर पोलीस अधीक्षक श्री ईश्वर कातकडे, उपविभागीय पोलीस अधिकारी मुल श्री सत्यजीत आमले यांचे मार्गदर्शनाखाली सहायक पोलीस निरीक्षक श्री नितेश डोर्लीकर यांचे नेतृत्वात पोउपनि श्री गोंविद चाटे, पोहवा/५५८ सुनिल गेडेकर, पोअं/१३२० अमित मस्के, पोअं/३१३ मेधश्याम गायकवाड, पोअं/१४४० गिरीधर आंबोकरर, पोअं/७३३ बळीराम बारेकर, चालक पोअं/ ६०५९ दत्ता शिंदे यांनी केली आहे.
