संस्कार भारती चंद्रपूरचे भारतमाता पूजन आणि महर्षी भरतमुनी जयंती 11 फेब्रुवारी रोजी
संस्कार भारती चंद्रपूरच्या वतीने दि. 11 फेब्रुवारी 2026 रोजी रोजी भारतमाता पूजन आणि महर्षी भरतमुनी जयंती साजरी करण्यात येणार आहे.
दि. 11 – फेब्रुवारी रोजी सायंकाळी 6 वाजता हॉस्पिटल वॉर्ड चंद्रपूर येथील डॉ श्यामाप्रसाद मुखर्जी वाचनालय सभागृहात आयोजित या कार्यक्रमाच्या अध्यक्षस्थानी पसायदान ज्येष्ठ नागरिक संघाचे अध्यक्ष श्री प्रकाशराव गुंडावार राहतील. प्रमुख अतिथी या नात्याने दै तरुण भारतचे जिल्हा प्रतिनिधी श्री संजय रामगीरवार उपस्थित राहतील. प्रमुख वक्ते म्हणून नागपूरचे इतिहास अभ्यासक श्री प्रवीण योगी उपस्थित राहतील. मंदिरातील मुर्तीशास्त्र या विषयावर प्रवीण योगी दृकश्राव्य सादरीकरण करणार आहे.
वंदे मातरम या राष्ट्रगानास दीडशे वर्ष पूर्ण झाल्याचे औचित्य साधून भारतमातेला वदंन तसेच नाट्यशास्त्राचे जनक महर्षी भरतमुनी यांना देखील वैशिष्ट्यपूर्ण पद्धतीने वदंन करण्यात येणार आहे.
या कार्यक्रमाला चंद्रपूरकर कलाप्रेमी नागरिकांनी मोठया संख्येने उपस्थित राहण्याचे आवाहन संस्कार भारती चंद्रपूर तर्फे करण्यात आले आहे.
