चंद्रपूर शहरात हातात धारदार हत्यार घेवुन दहशत पसरविणाऱ्या रेकॉर्ड वरील गुन्हेगारास हत्यारासह अटक
दिनांक ७ जानेवारी, २०२५ रोजी चंद्रपूर शहर पोलीसांना मिळालेल्या गोपनिय माहितीचे आधारे पोस्टे हद्दीतील जमनजटटी परिसरात जावुन पाहिले असता रेकॉर्ड वरील गुन्हेगार नामे अमन उर्फ किसन महेंद्र डोंगरे वय २१ वर्ष रा. महाविर नगर भिवापूर वार्ड चंद्रपूर हा हातात एक धारदार लोखंडी तलवार घेवुन रस्त्यावरील ये-जा करणारे नागरीकांना धमकावित असतांना मिळुन आल्याने त्यास पोलीसांनी ताब्यात घेवुन त्याचे कडील एक नग लोखंडी धारदार तलवार किं. अं. ७००/- रु. जप्त करुन त्याचेविरुध्द भारतीय हत्यार कायदान्वये गुन्हा नोंदविण्यात आला आहे.
सदरची कामगिरी श्री मुम्मका सुदर्शन-पोलीस अधीक्षक, चंद्रपूर, श्री ईश्वर कातकडे-अपर पोलीस अधीक्षक चंद्रपूर, श्री प्रमोद चौगुले – उपविभागीय पोलीस अधिकारी चंद्रपूर यांचे मार्गदर्शनाखाली पोनि श्री निशीकांत रामटेके यांचे नेतृत्वात सपोनि राजेंद्र सोनवणे, पोउपनि दत्तात्रय कोलटे, पोउपनि विलास निकोडे, गुन्हे शोध पथकाचे पोलीस अंमलदार भावना रामटेके, सचिन बोरकर, संजय धोटे, निकेश ढेंगे, जावेद सिध्दीकी, कपुरचंद खैरवार, रुपेश पराते, विक्रम मेश्राम, योगेश पिदुरकर, निलेश ढोक, प्रफुल्ल भैसारे, दिपीका झिंगरे यांनी केली आहे.
