चंद्रपूर पोलीस प्रशासनातर्फे नागरीकांना आवाहन, प्रतिबंधीत नायलॉन मांजा बाबत
नायलॉन मांजाचा वापर, खरेदी विक्री करु नये आणि जो कोणी नायलॉन मांजा बाळगतांना किंवा विक्री करतांना किंवा साठवणुकदार आढळून आल्यास तात्काळ पोलीस नियंत्रण कक्ष चंद्रपूर येथील पोलीस हेल्पलाईन ११२ वर तात्काळ संपर्क करुन त्याबाबतची माहिती दयावी.
नागरीकांना व व्यवसायिक यांना सुचीत करण्यात येते की, मा.उच्च न्यायालय नागपूर यांचे जनहित याचीका क्र.२८.१.२०२१ मधील आदेशानुसार व पर्यावरएण व वातावरणिय बदल विभाग, महाराष्ट्र शासन यांचे अधिसुचना दि.०१/०३/२०२३ नुसार “नायलॉन मांजा साठवणे, विक्री करणे व खरेदी करुन वापरणे” इत्यादी कायद्याने गुन्हा असुन त्यावर बंदी घालण्यात आलेली आहे. करीता चंद्रपूर जिल्हयात कोणताही व्यवसायिक “नायलॉन मांजा साठवण किंवा विक्री करतांना” व कोणताही नागरिक “मांजा खरेदी करुन वापरतांना” आढल्यास त्यास खालील प्रमाणे दंडाची शिक्षा होईल.
१. लहान मुल किंवा प्रौढ व्यक्ती नायलॉन मांजा द्वारे पतंग उडवतांना आढल्यास – ५०,०००/- रु. दंड
२. कोणत्याही व्यावसायिक व/नागरिक यांनी नायलॉन मांजाची साठवण करुन ठेवल्यास व विक्री केल्यास – २,५०,०००/- रु. दंड
