महापारेषण आंतर परिमंडळीय राज्यस्तरीय क्रिडा स्पर्धेचे नेत्रदीपक उदघाटन सोहळा
नागपुर येथे उत्साहात संपन्न
नागपूर दि. ७ जानेवारी २०२६:- राज्य शासनाच्या मालकीची महापारेषण ही कंपनी असुन, महापारेषण आंतर परिमंडळीय राज्यस्तरीय क्रिडा स्पर्धा २०२५-२०२६ उद्घाटन सोहळा पोलीस कवायत मैदान, काटोल रोड, नागपुर येथे दिनांक ०७.०१.२०२६ रोजी उत्साहात संपन्न झाला. सदर कार्यक्रमास मान. श्री अविनाश निंबाळकर, संचालक (प्रकल्प) हे अध्यक्ष म्हणुन उपस्थित होते तसेच श्रीमती सुचिता भिकाने, अतिरिक्त जिल्हाधिकारी तथा कार्यकारी संचालक (मानव संसाधन) या प्रमुख अतिथी म्हणुन उपस्थित होत्या. श्रीमती पल्लवी धात्रक, जिल्हा क्रिडा अधिकारी या प्रमुख पाहुणे म्हणुन उपस्थित होत्या. श्री सतीश अणे, मुख्य अभियंता तथा अध्यक्ष क्रिडा आयोजन समिती यांनी कार्यक्रमाचे प्रास्ताविक केले व क्रिडा स्पर्धा आयोजित करणे मागील प्रशासनाचा उद्देश याबाबत विवेचन केले व नागपुर परिमंडळास यजमान पद दिल्याबद्दल प्रशासनाचे आभार मानलेत. सर्व सहभागी खेळाडूंना शुभेच्छा दिल्यात व संघ भावनेने क्रिडा स्पर्धेत सहभाग नोंदवुन क्रिडा स्पर्धा यशस्वी करण्याचे आव्हान केले.
श्रीमती सुचिता भिकाने, अतिरिक्त जिल्हाधिकारी तथा कार्यकारी संचालक (मानव संसाधन) यांनी पुढील वर्षी क्रिडा स्पर्धा आयोजित करतांना दिव्यांग कर्मचारी अधिकारी यांचे करीता सांघिक किंवा वैयक्तीक क्रिडा प्रकारात एक किंवा दोन क्रिडा प्रकार अंतर्भुत करावे याबाबत विशेष सुचना केल्यात. खेळामुळे आपल्या भावना व चेतना जागृत होतात. खेळ हा आपल्या जीवनाचा अविभाज्य भाग असावा. तसेच नियमित खेळामुळे आपले शारीरिक व मानसिक आरोग्य चांगले राहते त्यामुळे प्रत्येकांनी एकतरी खेळ नियमित खेळावा अशी अपेक्षा व्यक्त केली. महापारेषण कंपनीचे प्रादेशिक प्रशिक्षण केंद्र येथे खेळांकरिता सुविधा वाढविणे करीता प्रस्ताव सादर करावे असे निर्देश सुद्धा दिलेत.
मान. श्री अविनाश निंबाळकर, संचालक (प्रकल्प) यांनी सर्वप्रथम मान. डॉ. संजीव कुमार, अध्यक्ष तथा व्यवस्थापकीय संचालक यांचेतर्फे खेळाडूंना शुभेच्छा दिल्यात व आजच्या धकाधकी व तणावपुर्ण आयुष्यात दैनंदिन जीवनात खेळांचे महत्व याबाबत मार्गदर्शन केले. तसेच महापारेषण कंपनीचे खेळाडु हे राष्ट्रीय स्तरावर सुद्धा कंपनीचे नावलौकिक वाढवतील अशी अपेक्षा व्यक्त केली. नागपुर परिमंडळीय कार्यालयाने नेत्रदीपक क्रिडा सोहळा आयोजित केल्याबाबत कौतुक केले.
सदर कार्यक्रमास श्रीमती अंजु गुप्ता, मुख्य महाव्यवस्थापक (वि. व. ले), श्री नागसेन वानखेडे, मुख्य महाव्यवस्थापक (मा. त.), श्री राजु गायकवाड, महाव्यवस्थापक (मानव संसाधन) श्री भरत पाटील, मुख्य औद्योगिक संबंध अधिकारी, श्री अनिल कोलप, मुख्य अभियंता, श्री महेश भागवत, मुख्य अभियंता, श्री संजीव भोळे, मुख्य अभियंता, श्रीमती शिल्पा कुंभार, मुख्य अभियंता, श्री महेंद्र वाळके, मुख्य अभियंता व श्री संदीप हाके, मुख्य अभियंता (स्था) हे आवर्जुन उपस्थित होते.
श्री दिलीप दोडके, मुख्य अभियंता, महावितरण हे सुद्धा सदर कार्यक्रमास आवर्जुन उपस्थित होते. श्री प्रांजय पाटील, अति. कार्यकारी अभियंता व श्रीमती रुपाली पाठक, उपकार्यकारी अभियंता यांनी कार्यक्रमाचे सुत्र संचालन केले.
श्री मुकेश तट्टे, अधिक्षक अभियंता यांनी मान, पोलीस आयुक्त, नागपुर व श्रीमती पल्लवी धात्रक, जिल्हा क्रिडा अधिकारी यांचे त्यांनी दिलेल्या सहकार्याबद्दल विशेष आभार मानलेत. तसेच सदर क्रिडा स्पर्धा उदघाटन सोहळा यशस्वी करणे करीता ज्यांनी ज्यांनी आपले योगदान दिले त्यांचे सर्वांचे आभार मानलेत. क्रिडा स्पर्धा उद्घाटनानंतर मान्यवरांच्या उपस्थित नाशिक- अमरावती या संघात व्हॉलीबॉल सामना सुरु झाला.
