नववर्षाचे पुर्वसंध्येला अमली पदार्थाविरुध्द चंद्रपूर पोलीसांची मोठी कारवाई
अमली पदार्थ (M.D. Drugs) पावडर विक्री करणाऱ्या अल्पवयीन बालकाकडुन एम.डी. पावडर व मोबाईल असा एकुण २,८४,०००/- रु. चा माल जप्त
स्थानिक गुन्हे शाखा, चंद्रपूर ची कामगिरी
दिनांक ३१ डिसेंबर, २०२५ रोजी स्थानिक गुन्हे शाखा, चंद्रपूर चे पथकाने मिळालेल्या गोपनिय माहितीचे आधारे रयतवारी कॉलरी चंद्रपूर परिसरात अवैध अंमली पदार्थ विक्री संबंधाने छापा घालुन एका विधी संघर्ष बालकाचे ताब्यातुन एम. डी. अमली पदार्थ पावडर ४८.१६० ग्रॅम वजनाचा किंमत अं. २,४०,०००/- रु. एक जुना वापरता मोबाईल किं. अं. ५,०००/- रु आणि रोख रक्कम ३९,०००/- रु. असा एकुण २,८४,०००/- रुपयाचा माल मिळुन आल्याने नमुद विधी संघर्ष बालक आणि पाहिजे असलेले आरोपी नामे सैफुउद्दीन सिद्दीकी रा. रयतवारी कॉलरी चंद्रपूर व श्रीकांत डुंबरे रा. वाठोडा, नागपूर यांचेविरुध्द पोलीस स्टेशन रामनगर येथे अपराध क्रमांक ११०१/२०२५ कलम ८ (क), २२ (ब), २९ एन.डी.पी.एस. अॅक्ट अन्वये गुन्हा नोंदविण्यात आला असुन पुढील तपास रामनगर पोलीस करीत आहे.
सदरची कामगिरी पोलीस अधीक्षक श्री मुम्मका सुदर्शन, अपर पोलीस अधीक्षक ईश्वर कातकडे यांचे मार्गदर्शनात स्थानिक गुन्हे शाखा, चंद्रपूर चे पोलीस निरीक्षक श्री अमोल काचोरे यांचे नेतृत्वात सपोनि श्री बलराम झाडोकार, पोउपनि श्री सुनिल गौरकार, पोहवा नितीन साळवे, नितीन कुरेकार, सुभाष गोहोकार, सचिन गुरनुले, प्रमोद कोटनाके परवरिश शेख, पोअं. शशांक बादामवार, प्रसाद धुळगुंडे चासफौ प्रमोद डंबाारे सर्व स्थानिक गुन्हे शाखा, चंद्रपूर यांनी केली आहे.
सर्व नागरीकांना आवाहन करण्यात येते की, अमली पदार्थाचे सेवन करणे, अमली पदार्थ जवळ बाळगणे किंवा अमली पदार्थ खरेदी-विक्री करणे कायद्याने गुन्हा आहे, असे करतांना कोणी आढळल्यास चंद्रपूर पोलीस दलाचे 7887890100 या व्हॉट्सअॅप क्रमांकावर माहिती देवुन चंद्रपूर नशामुक्त करण्यास पोलीसांना सहकार्य करावे.
