मोड आलेले कडधान्य कच्चेच खात आहात का..? ते आरोग्यदायी असले तरी खाण्याची योग्य पद्धत तज्ज्ञांकडून जाणून घ्या…
आजच्या धावपळीच्या जीवनात आहारापासून ते जीवनशैलीपर्यंत सर्व काही बदलले आहे. आरोग्याची काळजी घेणे पूर्वीपेक्षा जास्त आव्हानात्मक होताना दिसत आहे. म्हणूनच लोक आता कमी प्रयत्नात जास्त पोषण देणारे पदार्थ शोधत असतात. याच कारणामुळे आजकाल स्प्राउट्स म्हणजे मोड आलेले कडधान्य हे एक सुपरफूड मानले जाते. सॅलड, चाट किंवा स्मूदीमध्ये कच्चे मोड आलेले कडधान्य घालणे हा एक सध्याचा हेल्थ ट्रेंड ठरत आहे. पोषणतज्ज्ञ आणि डायबिटीज एज्युकेटर खुशी छाब्रा यांनी दि इंडियन एक्सप्रेसला दिलेल्या माहितीप्रमाणे, कच्चे मोड आलेले कडधान्य खाणे आरोग्यासाठी तितके फायदेशीर नाही जितके ते समजले जातात. त्यांनी सांगितले की, कच्च्या कडधान्यांमधील काही नैसर्गिक घटक पचनसंस्थेवर दबाव आणू शकतात आणि अनेक लोकांमध्ये गॅस, पोटफुगी किंवा पोटदुखीसारख्या समस्या निर्माण करू शकतात.
