६९ वा धम्मचक्र प्रवर्तन दिन सोहळा ब्रम्हपुरीत संपन्न
बातमी – मंगेश बन्सोड
डॉ. बाबासाहेब आंबेडकर सार्वजनिक जयंती उत्सव समिती, ब्रम्हपुरी तर्फे शनिवार दि.४ व रविवार दि.५ ऑक्टोबर २०२५ ला या दोन दिवसीय कार्यक्रमाचे आयोजन पंचशील एज्युकेशन सोसायटीच्या प्रांगणात करण्यात आले होते . पहिल्या दिवशी जाहीर व्याख्यानाचा कार्यक्रम पार पडला. कार्यक्रमाची सुरूवात प्रतिमेला माल्यार्पण करून त्रिशरणाने झाली.ज्यामध्ये कार्यक्रमाचे अध्यक्ष मा.भदंत डॉ.रेवत महास्थवीर श्रीलंका, तर प्रमुख उपस्थिती मा.हर्षबोधी महास्थवीर बुद्धगया तसेच प्रमुख वक्ते मा.आचार्य नंदकिशोर साळवे , विशेष अतिथी श्रीलंकेचे भदंत धम्मप्रिय, दिल्लीचे भदंतडॉ . दीपंकर सुमेदो उपस्थित होते.याशिवाय समितीचे अध्यक्ष मा.अशोकभाऊ रामटेके , उपाध्यक्ष सुधीरजी अलोने, सचिव डॉ.युवराज मेश्राम, संघटक नेताजी मेश्राम यांचीही उपस्थिती होती.याप्रसंगी मान्यवरांच्या हस्ते दहावी व बारावीतील विद्यार्थ्यांचा गौरव करण्यात आला.या कार्यक्रमाप्रसंगी डॉ.भदंत दिपंकर सुमेदो यांनी आपल्या भाषणात अनेक संदर्भ दिले.ते म्हणतात की बाबासाहेबांचा मार्ग हा बुद्ध धम्मापासून सुरू होतो.शिक्षित, समजदार व्यक्ती जो ज्ञान पसरवितो असा आंबेडकरीचा अर्थ सांगून आपले मत व्यक्त केले.आचार्य नंदकिशोर साळवे यांनी धम्मचक्र प्रवर्तन दिन हा दिवस आपल्या समाजाच्या प्रगतीचे हमीपत्र आहे.पुढे ते म्हणाले की श्रीलंके मध्ये विवाह जेवढ्या थाटामाटात होत नाही त्याहीपेक्षा तेथील धम्मदीक्षा सोहळयाला उस्फुर्त प्रतिसाद मिळतोअसे आपल्या व्याख्यानात म्हटले. आणि दुसऱ्या दिवशी इंडियन आयडॉल व ‘ सुर नवा ध्यास नवा’ फेम महाराष्ट्राचे सुप्रसिद्ध युवा रॉक स्टार गायक संतोष जोंधळे व संच यांचा बुद्ध भीम गीतांचा बहारदार प्रबोधनात्मक कार्यक्रम, पावसाचं वातावरण असताना सुद्धा लोक मोठ्या संख्येने उपस्थित झाले व कार्यक्रम यशस्वी झाला. पहिल्या दिवशी प्रास्ताविकातून समितीचे अध्यक्ष मा. अशोकभाऊ रामटेके यांनी समितीचे कार्य व आपली भूमिका स्पष्ट केली. कार्यक्रमाचे संचालन समितीचे सचिव डॉ. युवराज मेश्राम तर आभार प्रदर्शन मा. आसाराम बोदेले यांनी केले. कार्यक्रम यशस्वितेसाठी समितीचे पदाधिकारी सुधाकर पोपटे, के. जी. खोब्रागडे, राजु मेश्राम, दिनेश लोखंडे, जगदीश मेश्राम, डॉ. चंद्रशेखर बांबोळे, डॉ. ई. एल. रामटेके, नरेंद्र बांते, अंकुश वाघमारे, महेंद्र कसारे, भीमानंद मेश्राम, इत्यादींनी मोलाचे सहकार्य केले.
