प्रतिबंधित बीटी बियाणे बाळगाणारे इसमांविरुध्द गुन्हा दाखल ; पोलीस स्टेशन राजुरा ची कारवाई
दिनांक २६ मे, २०२५ रोजी पोलीस स्टेशन राजुरा हद्दीत मिळालेल्या गोपनिय माहितीचे आधारे इसम नामे वसंत शंकर पुणेकर रा. भुरकुंडा याचे राहते घराची पंचासमक्ष झडती घेतली असता त्याचे घरात एका प्लॉस्टीक चुंगडी मध्ये ४० किलो बीटी बियाणे (HTBT) किंमत ७६,८००/- रुपयाचा माल अवैध रित्या बाळगल्याचे मिळुन आल्याने त्याचे कडे विचारपुस केली असता सदर माल नामे गटन्ना राजन्ना पाकावार रा. सुकडपल्ली ता. राजुरा याचे असल्याचे सांगितल्याने सदर माल आणि दोन्ही इसमांना ताब्यात घेवुन सदर बियाणांची पडताळणी व कारवाई करणेसाठी कृषी विभागाला माहिती देण्यात आली असता कृषी विभागाचे अहवालावरुन प्रतिबंधित कापूस (HTBT) बियाणे साठवणूक व जवळ बाळगणे आधि शासनाची तसेच विक्री उद्देशाने शेतकऱ्यांची फसवणूक करण्याकरीता आरोपीतांनी हे बियाणे बाळगले अश्या कृषी अधिकारी श्री नरेश रामकृष्ण ताजने यांचे अहवालावरुन दोन्ही आरोपीविरुध्द पोलीस स्टेशन राजुरा येथे विविध कलमान्वये गुन्हा नोंदविण्यात आला आहे. पुढील तपास राजुरा पोलीस करीत आहे.
सदरची कामगिरी पोलीस अधीक्षक श्री मुम्मका सुदर्शन आणि अपर पोलीस अधीक्षक रिना जनबंधु, उपविभागीय पोलीस अधिकारी श्री सुधाकर यादव यांचे मार्गदर्शनात पोलीस निरीक्षक श्री सुमित परतेकी, पोलीस स्टेशन राजुरा यांचे नेतृत्वात पोलीस उपनिरीक्षक श्री पांडुरंग हाके, श्री भिष्मराज सोरते, पोहवा विक्की निर्वाण, अविनाश बांबोळे, महेश बोलगोडवार, शफीक शेख, शरद राठोड, आनंद मोरे व कृषी अधिकारी श्री नरेंद ताजने, पंचायत समिती राजुरा यांनी केली आहे.
