तेलंगणातील वनपरिक्षेत्र अधिका-यांची वन अकादमीला चंद्रपूरला भेट
चंद्रपूर, दि. 29 : तेलंगणा येथील दुलापल्ली वन अकादमीमध्ये प्रशिक्षण घेत असलेल्या 8 महिला व 27 पुरुष असे एकूण 35 वनपरिक्षेत्र प्रशिक्षणार्थी अधिका-यांनी वन अकादमी, चंद्रपूर येथे भेट दिली. तेलंगणा आणि महाराष्ट्राच्या अभ्यासाचा एक भाग म्हणून सदर प्रशिक्षणार्थी अधिकारी 28 फेब्रुवारी रोजी वन अकादमीमध्ये दाखल झाले होते.
यावेळी वन अकादमीचे संचालक श्रीनिवास रेड्डी यांनी तेलंगणा येथील वनपरिक्षेत्र प्रशिक्षणार्थी अधिका-यांना महाराष्ट्रातील वन आणि वन्यजीव व्यवस्थापन याबाबत मार्गदर्शन केले. तसेच भारताच्या भौगोलिक क्षेत्राच्या 33 टक्के पर्यंत जंगल आणि वृच्छादन वाढविण्यासंदर्भात राष्ट्रीय लक्ष गाठण्याचे आवाहन केले.
