शासकीय वसतिगृहासाठी इमारत भाडयाने घेण्याबाबत प्रस्ताव आमंत्रित
भंडारा, दि.23 : सामाजिक न्याय विशेष सहाय्य विभागाअंतर्गत सहाय्यक आयुक्त,समाज कल्याण,यांचे अधिनस्त इतर मागास प्रवर्ग, विमुक्त जाती, भटक्या जमाती व विशेष मागास प्रवर्गातील व्यावसायिक शिक्षण घेणाऱ्या विद्यार्थ्यासाठी मुलांचे शासकीय वसतिगृह, भंडारा करिता 100 विद्यार्थी क्षमतेचे 1 वसतिगृहांकरिता खाजगी इमारत भाडयाने घ्यावयाची असून त्यामध्ये कार्यालय,भोजनकक्ष, स्वयपाकागृह, भांडारगृह कक्ष, स्वच्छतागृहे, क्रिडांगण इत्यादी बाबीची किमान पात्रता निकष पुर्ण करणाऱ्या भंडारा नगरपरिषद क्षेत्र किंवा 3 कि.मी. लगतच्या परिसरातील इच्छुक इमारत मालकाकडून इमारत भाडयाने देण्याकरिता सहाय्यक आयुक्त, समाज कल्याण, विभाग,भंडारा येथे आपला प्रस्ताव अर्ज सादर करावा.
तसेच इमारत भाडे सार्वजनिक बांधकाम विभाग,भंडारा यांच्या भाडे निश्चितीच्या अधिन राहील.इतर संपुर्ण माहिती व प्रस्तावाचा नमूना संबंधित कार्यालयात उपलब्ध आहे.इच्छुक इमारत मालकांनी आवश्यक कागदपत्रासह परिपुर्ण प्रस्ताव 15 दिवसाचे आत कार्यालयीन वेळेत आपले अर्ज सादर करावी,असे आवाहन सहाय्यक आयुक्त, समाज कल्याण बाबासाहेब देशमुख यांनी कळविले आहे.
