पुणे इंटरनॅशनल स्कूलचा सीबीएससी दहावीचा निकाल १०० टक्के!
अर्श, देवांशू, सोहा ठरले गुणवंत विद्यार्थ्यांमध्ये अव्वल
दिनांक १६ एप्रिल २०२६, पुणे:-
केंद्रीय माध्यमिक शिक्षण मंडळाद्वारे (सीबीएससी) घेण्यात आलेल्या शैक्षणिक वर्ष २०२५-२०२६ च्या इयत्ता दहावीच्या परीक्षेत पुणे इंटरनॅशनल स्कूल अँड ज्युनिअर कॉलेजने घवघवीत यश संपादन केले आहे. शाळेचा निकाल १०० टक्के लागला असून अर्श चौहान याने ९६.२० टक्के गुण मिळवून शाळेत प्रथम येण्याचा मान पटकावला आहे.
शाळेतील विद्यार्थ्यांनी आपले कौशल्य आणि शिक्षकांच्या मार्गदर्शनाच्या जोरावर विशेष गुणवत्ता यादीत स्थान मिळवले आहे. यामध्ये अर्श चौहान (९६.२०%) प्रथम, देवांशू चौधरी (९३.८०%) द्वितीय, तर सोहा दादापुरे (९३.६०%) हिने तृतीय क्रमांक पटकावला. यशस्वी विद्यार्थ्यांसह शाळेच्या शैक्षणिक गुणवत्तेच्या कटिबद्धतेचे सर्वत्र कौतुक त्यामुळे होत आहे.
पुणे इंटरनॅशनल स्कूलने आपल्या दर्जेदार शैक्षणिक परंपरेचा वारसा पुन्हा एकदा निकालातून दाखवून दिला आहे.गेल्या अनेक वर्षांपासून शाळा सातत्याने ९५ टक्क्यांहून अधिक निकाल लावण्यात यशस्वी ठरली आहे. यंदाही शंभर टक्के निकालाची परंपरा कायम राखत शाळेने गुणवत्तेचा नवा आदर्श स्थापन केला आहे.
चलवादी शिक्षण संस्थेचे अध्यक्ष डॉ.हुलगेश चलवादी आणि उपाध्यक्ष ॲड.रेणुका चलवादी यांनी विद्यार्थ्यांचे मनःपूर्वक अभिनंदन केले. माध्यमिक शिक्षण विभागाच्या चमुचे अढळ समर्पण आणि कठोर परिश्रमामुळेच हे यश साध्य झाल्याचे त्यांनी सांगितले.
सामाजिक कार्यकर्ते स्वप्निल शिर्के, प्राचार्य स्मिता लोंढे, व्यवस्थापिका सायली शिंदे, उप-प्राचार्य जयश्री कदम, बीना कदम, ज्योती सचदेव आणि अश्विनी मोहिते, संपूर्ण माध्यमिक विभागाचे – रवींद्र कौर, सीमा राठोर; अर्पिता रथ; रश्मी केशारवाणी; चैत्राली काकडे आणि संगीता शर्मा यांच्यासह सर्व व शिक्षकेतर कर्मचाऱ्यांच्या उपस्थितीत यशस्वी विद्यार्थ्यांचा सत्कार करीत त्यांच्या पुढील वाटचालीस शुभेच्छा दिल्या.
