चिमूर येथील पाच यु ट्युब पत्रकारावर खंडणीचा गुन्हा दाखल
पोलीस स्टेशन चिमूर येथे दिनांक २४/०३/०२६ रोजी फिर्यादी नामे नामे प्रथम संजय बाळबुधे वय २३ वर्ष, धंदा बिल्डीग मटेरियल सप्लायर, जात कुंणबीरा. वडाळा पैकु, चिमूर ता. चिमूर जिल्हा चंद्रपुर यांने तकार दिली की, फिर्यादीचा बिल्डींग मटेरियल सप्लायर चा व्यवसाय असुन दिनांक २३/०३/०२६ रोजी रात्रो १०/३० वा. दरम्यांन फिर्यादीने त्याचा ट्रॅक्टर मंजुर सोडण्याकरीता मौजा उसेगाव येथे पाठविला असता यातील आरोपी नामे १) शादुल पचारे २) विलास मोहिनकर ३) शुभम रणदिवे ४) संजय नागदेवते ५) जितेन्द्र घाडगे यांनी फिर्यादीचा ट्रॅक्टर पांदन रस्त्यांमध्ये अडविला व त्याला धमकी दिली की, तु अवैदय रेती व्यवसाय करतो तुझा ट्रॅक्टर तहसिलदार यांना बोलवुन कार्यवाही करायला लावतो अशी भिती घालुन त्यांला त्या बदल्यात १५०००/रू खंडणी मागीतली परंतु फिर्यादीचा ट्रॅक्टर रिकामा असल्यांने व मंजुरांना गावी सोडुन देत असल्यांने फिर्यादीने त्यांना कुठल्याही प्रकारचे पैसै दिले नाही. व फिर्यादीने मदतीकरीता गावातील नागरीकांना फोन करून बोलविले असता ८ ते १० नागरीक फिर्यादीचे मदतीला धावुन आल्याने वरील आरोपी घटनास्थळावरून पळुन गेले. त्यांनतर दुस-या दिवशी दिनांक २४/०३/०२६ रोजी सकाळी पुन्हा वरील आरोपीतांनी फिर्यादीला वारंवार फोन करून धमकावुन खंडणी मागण्यास सुरवात केली. सदर आरोपी हे यु ट्युब व काही साप्ताहीक वृत्तपत्र चालविणारे असल्यांने त्यांना घाबरून फिर्यादीने त्यांना ऑनलाईन ५०००/रू खंडणी दिली. परंतु आरोपीतांचा पुन्हा ससेमिरा सुरूच असल्यांने फिर्यादीने पोलीस स्टेशला खंडणी प्रकरणी तकार दिली. फिर्यादीचे तकारी वरून आरोपी क. १) शादुल पचारे २) विलास मोहिनकर ३) शुभम रणदिवे ४) संजय नागदेवते ५) जितेन्द्र घाडगे यांचे विरूध्द खंडणी प्रकरणात कलम ३०८ (२),१२६ (२), ३(५) भारतीय न्याय संहिता अन्वये गुन्हा नोंद करण्यांत आला आहे.
सदर गुन्हयाचा तपास मा. पोलीस अधिक्षक, मुम्मका सुदर्शन, मा.अपर पोलीस अधिक्षक ईश्वर कातकडे, मा. उपविभागीय पोलीस अधिकारी दिनकर ठोसरे पोलीस निरीक्षक दिनेश लबडे ठाणेदार चिमूर याचे मार्गदर्शनात सपोनि अमोल बारपात्रे हे करीत आहेत.
