हार्डवेअर दुकान फोडणाऱ्या चोरांच्या ४८ तासात पाथरी पोलीसांनी आवळल्या मुसक्या
पोलीस स्टेशन पाथरी येथे दिनांक ०८/०२/२६ रोजी तकार प्राप्त झाली की, मौजा चक विरखल गावच्या टि पॉईंटवरील सचिन आनंदराव गंदाटे वय ३३ वर्ष रा.. विरखल यांचे हार्डवेअर व कृषी केंद्र दुकानाच्या दरवाज्याला लावलेला कुलुप व दरवाज्यासमोरील सी.सी.टी.व्ही. कॅमेरा तोडुन अज्ञात आरोपीने दुकानाचे काउंटर मधील नगदी ९१,०००/- रू व दोन लहान हातोडे चोरून नेले आहेत. त्यावरून पोलीस स्टेशन पाथरी येथे अज्ञात इसमाविरूदध गुन्हा नोंद करण्यात येवुन तपासावर घेतला.
सदरच्या गुन्हयातील अज्ञात आरोपीचा पाथरी पोलीस कसोशीने शोध घेत असतांना गोपणीय बातमीदारांकडुन सदरचा गुन्हा संशयीत आरोपी क. १) निलेश बंडु भोयर वय २६ वर्ष व त्याचा २) अल्पवयीन मित्र दोन्ही रा. निमगाव यांनी केल्याची माहिती मिळाल्यावरून संशयीत आरोपी निलेश बंडु भोयर वय २६ वर्ष रा. निमगाव यास ताब्यात घेवुन विचारपुस केली असता त्यांनी गुन्हा केल्याचे कबुल केल्याने त्यास अटक केली असता त्यांनी सदरच्या गुन्हयातील चोरलेल्या रक्कमेपैकी काही रक्कम त्याने स्वतः व अल्पवयीन मित्राने खर्च केली असुन उर्वरीत रक्कम ७४,०००/- रू व दोन लहान हातोडे घरी लपवुन ठेवल्याचे सांगितले. ते आरोपीने पंचनाम्या दरम्यान पंचांसमक्ष काढुन दिल्याने जप्त करण्यात आले. अल्पवयीन विधी संघर्षग्रस्त बालकास पालकाचे ताब्यात देण्यात आले व अटक आरोपीस न्यायालयीन कोठडी करिता रवाना करण्यात आले आहे.
सदरची कारवाई मा. सुदर्शन मुमक्का साहेब, भा. पोसे. पोलीस अधीक्षक, चंद्रपुर, मा. ईश्वर कातकडे साहेब, अपर पोलीस अधीक्षक, चंद्रपुर, मा. सत्यजीत आमले साहेब, उपविभागिय पोलीस अधिकारी मुल यांचे मार्गदर्शनात सपोनि नितेश डोर्लीकर ठाणेदार पाथरी, पोउपनि गोविंद चाटे, पो. स्टाफ पोहवा/खेलेश कोरे ब. नं. २५८१ पोअं./अमित मस्के बंन. १३२०, पोअं./ मेघश्याम गायकवाड ब.नं. ३१३, पोअं./ गिरीधर आंबोरकर ब.नं. १४४० पोअं./ बळीराम बारेकर बंन. ७३३, चालक पोअं./प्रविण कोवे बन. २६१६ यांनी केली. सदर गुन्हयाचा पुढील तपास पोउपनि गोविंद चाटे पो.स्टे पाथरी करित आहेत.
