अवैधरित्या जनावर (गौवंश) ची वाहतुक करणाऱ्या इसमांविरुध्द कारवाई
कत्तली साठी वाहतुक करीत असलेले एकुण ०६ जनावर (गौवंश) ची सुटका
एक चारचाकी वाहनासह एकुण ७,२०,०००/- रुपयाचा माल जप्त
स्थानिक गुन्हे शाखा, चंद्रपूर ची कामगिरी
दिनांक ०५ जानेवारी, २०२६ रोजी स्थानिक गुन्हे शाखा चंद्रपूर च्या पथकातील पोलीसांनी मिळालेल्या गोपनिय माहितीचे आधारे पो.स्टे. शेगांव हद्दीतील मौजा भिवकुंड येथे नाकाबंदी करुन एक पिकअप वाहन क्रमांक एम.एच.४९-बीझेड-१७६९ ला थांबवुन तपासणी केली असता त्यात एकुण ०६ नग गोवंशीय जनावरे (बैल) कत्तली करीता अमानुषरित्या अवैध वाहतुक करुन नेत असतांना मिळुन आल्याने सदर वाहन चालक नामे महेश सुर्यभान लोंढे वय ३८ वर्ष रा. गोरेवाडा, नागपूर व नामे राहुल अरुण वानखेडे वय २३ वर्ष रा. हिंगणा यांच्या ताब्यातुन एकुण ०६ नग जनावरे किं.अं.१,५०,०००/- रु. आणि वाहतुकी करीता वापरलेला वाहन किं.अं.५,७०,०००/- असा एकुण ७,२०,०००/- रु. चा माल मिळुन आल्याने सदर दोन्ही आरोपी व पाहिजे असलेला आरोपी नामे सचिन वैद्य रा. कोंढा ता. नागभिड जि. चंद्रपूर यांच्याविरुध्द पोलीस स्टेशन शेगांव येथे अपराध क्रमांक ०७/२०२६ कलम ११(१) (घ) (ड) भारतीय प्राण्यांना निर्दयतेने वागविण्यास प्रतिबंध अधिनियम १९६० व कलम ५ (अ), ९,११ महाराष्ट्र प्राणी संरक्षण कायदा अन्वये गुन्हा नोंदविण्यात आला असुन पुढील तपास शेगांव पोलीस करीत आहेत.
सदरची कारवाई श्री मुम्मका सुदर्शन-पोलीस अधीक्षक चंद्रपूर, श्री ईश्वर कातकडे – अपर पोलीस अधीक्षक चंद्रपूर यांचे मार्गदर्शनात सहायक पोलीस निरीक्षक श्री अमोल काचोरे, स्थानिक गुन्हे शाखा चंद्रपूर यांचे नेतृत्वात सफौ धनराज करकाडे, पोहवा नितीन साळवे, नितीन कुरेकार, प्रमोद कोटनाके, पोअं अमोल सावे, चापोहवा गजानन मडावी यांनी केली आहे.
