सिंदेवाहीत गुरुनानक देवजींचा ५५६ वा प्रकाश पर्व उत्साहात साजरा; ‘वाहेगुरु’च्या घोषाने नगर भक्तिमय
शहरातील सिंधी आणि पंजाबी समाजातर्फे गुरुनानक देवजींचा ५५६ वा प्रकाश पर्व सिंदेवाहीत अत्यंत उत्साहात व श्रद्धेने साजरा करण्यात आला. शहरभर ‘वाहेगुरु जी’च्या जयघोषाने भक्तिमय वातावरण निर्माण झाले.
१ ते ५ नोव्हेंबरदरम्यान रोज पहाटे ५ वाजता काढण्यात आलेल्या प्रभातफेरीने संपूर्ण शहरात आध्यात्मिक वातावरण पसरले. समाजातील सर्व बांधवांच्या घरांपासून निघालेली ही फेरी शहरातील प्रमुख मार्गांवरून जात होती.
मुख्य दिवशी प्रभातफेरीसह भव्य शोभायात्रा काढण्यात आली. सायंकाळी महिलांनी, लहान मुलांनी आणि युवांनी एकत्र येऊन प्रकाश पर्वाचे औचित्य साधत केक कापला. त्यानंतर विविध खेळ, सांस्कृतिक कार्यक्रम आणि धार्मिक उपक्रम रंगले.
दररोज रात्री कीर्तन, गुरुवाणी आणि आरतीच्या कार्यक्रमांनी नगर दिवसभर भक्तिमय राहिले. अखेरीस मोठ्या श्रद्धाभावाने प्रकाश पर्वाचा समारोप झाला.
कार्यक्रमाच्या यशस्वीतेसाठी कन्हैय्या टहलीयानी, हरेश परसवानी, ताराचंद धामेजा, दर्शन मोदी, बलराम छत्रवानी, राजेश धामेजा, सुनील छत्रवानी, दीपक डेंगानी ,अनिल डेंगानी, श्याम छत्रवानी, मोहन टहलीयानी, बंटी भवानी,नरेश भवानी, भरत थदानी, मनोज धामेंजा, योगेश धामेंजा, विपुल व दिपेश धामेजा आदींचे विशेष सहकार्य लाभले.
