माणुसकीची साद घालत एका अस्वच्छ मनोरुग्णाला केले स्वच्छ
“महेन्द्र कोवले फ्रेंड्स क्लब” चा सामाजिक उपक्रम
सिंदेवाही :- निस्वार्थपणे माणसातील माणुसकी ओळखून पुढे केलेला मदतीचा हात म्हणजे माणुसकी. खरं तर माणुसकीने जगण्याची एक वेगळीच कला आहे. आणि त्याचा आनंद एक वेगळाच अनुभव देतो. अशाच एका अस्वच्छ मनोरुणाला माणुसकीची साद घालून वासेरा येथील ” महेंद्र कोवले फ्रेंड्स क्लब” चे वतीने स्वच्छ करून त्याला बोलके करण्यात आले.
माणुसकी हा माणसाचा सर्वात मौल्यवान दागिना आहे. जो सहानुभूती, दयाळूपणा, आणि परोपकाराच्या गुणांनी व्यक्त होतो. माणुसकी हा समाजाचा आधारस्तंभ आहे. जो आपल्याला एकमेकाशी जोडतो. समाजात राहताना एकमेकांच्या जबाबदाऱ्या समजून घेणे आणि त्या अलगदपणे पार पाडणे हेच माणुसकीचे मोठे गुणधर्म आहे. असाच काहीसा प्रयत्न “महेन्द्र कोवले फ्रेंड्स क्लब” यांचे वतीने करण्यात आला आहे. एक मनोरुग्ण दररोज वासेरा ते सिंदेवाही पर्यंत अनवाणी पायाने फिरत असतो. त्याला काही देण्याचा प्रयत्न केला तरी मात्र तो कधी कोणाकडून काहीच घेत नसतो. मात्र महालक्ष्मी इंडस्ट्रीज गडबोरी येथे तो मनोरुग्ण नेहमी येऊन चाय पित असतो. तो खूप अस्वच्छ आणि कोणतेही कपडे न घालता तो रोज इकडे तिकडे फिरत असतो. त्यामुळे सदर मनोरुग्णाला स्वच्छ करून त्याला नवीन कपडे घालून देण्याचे फ्रेंड्स क्लब चे वतीने ठरले. रोखठोक प्रहार कामगार संघटनेचे तालुकाध्यक्ष सूरज कोडापे यांचे वाढदिवसाचे औचित्य साधून सदर मनोरुग्णाचे केस, दाढी कापून त्याला आंघोळ करून देण्यात आली. नवीन कपडे घालून देण्यात आले. नवीन चप्पल देऊन उपहार देण्यात आला. जेव्हा त्या मनोरुग्णाला आंघोळ घालून नवीन कपडे घालून देण्यात आले. तेव्हा तो मनोरुग्ण बोलता झाला. त्याच्या चेहऱ्यावर हास्य निर्माण झाले. जेव्हा आपण दुसऱ्याच्या डोळ्यातील. आसवे पुसतो. तेव्हाच आपल्यातील खरी माणुसकी दिसते. या सामाजिक उपक्रमासाठी फ्रेंड्स क्लब चे अध्यक्ष सूरज कोडापे, महेंद्र कोवले, वैभव उज्वावकर, राकेश उज्वावकर, योगेश खडसिंगे, अनिकेत कामडी, राजू गजभे, अमोल उज्वावकर, इत्यादी उपस्थित होते. महेन्द्र कोवले फ्रेंड्स क्लब यांच्या सामाजिक उपक्रमाबद्दल सर्वच स्तरावरून अभिनंदन करण्यात येत आहे.
