धनगर समाजातील महिलांकरीता स्टेंड अप इंडिया योजना इच्छुक नवउद्योजकांनी संपर्क साधावा,
भंडारा,दि.22 : भारतरत्न डॉ. बाबासाहेब आंबेडकर यांच्या 125 व्या जयंती निमीत्त केंद्र शासनाने अनुसूचित जाती व नवबौध्द घटकांतील नवउद्योजकांसाठी व धनगर समाजातील महिलांकरीता स्टेंड अप इंडिया ही योजना आणली आहे. महाराष्ट्र शासनाने सामाजिक न्याय व विशेष सहाय्य विभाग अन्वये जिल्हयातील अनुसूचित जाती व नवबौध्द घटकातील तसेच धनगर समाजातील महिला 18 वर्षावरील नवउद्योजक यांना 10 टक्के स्वहिस्सा भरणा केल्यानंतर व बँकेने अर्जदारास स्टेंड अप इंडिया योजने अंतर्गत 75 टक्के कर्ज मंजुर केल्यानंतर उर्वरित सबसिडी च्या अनुषंगाने नवउद्योजकांना प्रकल्प मुल्याच्या 15 टक्के हिस्सा (अनुदान) शासना मार्फत देण्यात येते. यासाठी प्रकल्प कर्ज मंजूर पात्र इच्छुक नवउद्योजकांनी सहाय्यक आयुक्त, समाज कल्याण कार्यालय,भंडारा येथे संपर्क साधावा, असे आवाहन डॉ. सचिन मडावी, सहाय्यक आयुक्त, समाज कल्याण भंडारा यांनी केले आहे.
