अहेरी तालुक्यातील ग्रामपंचायत निवडणुकीसाठी आरक्षण प्रवर्ग जाहीर
गडचिरोली, दि.20: राज्य निवडणूक आयोगाच्या आदेशान्वये ग्रामपंचायत सार्वत्रिक निवडणूक- माहे जानेवारी 2023 ते डिसेंबर 2023 या कालावधीत मुदत संपणा-या ग्रामपंचायती, नव्याने स्थापित व सन 2022 मध्ये चुकीची प्रभागरचना झाल्यामुळे निवडणूका न होऊ शकलेल्या ग्रामपंचायतींच्या (सदस्य पदासह थेट सरपंच पदाच्या) सार्वत्रिक निवडणुकांसाठी संगणप्रणालीव्दारे तसेच ग्रामपंचातीतील रिक्त जागांच्या पोटनिवडणुकांसाठी पारंपारिक पध्दतीने राबविण्याचा प्रत्यक्ष निवडणूक कार्यक्रम घोषित करण्यात आला आहे. अहेरी तालुक्यातील ग्रामपंचायतीसाठी पुढीलप्रमाणे आरक्षण प्रवर्ग जाहीर करण्यात आले आहे.
अहेरी तालुक्यातील आवलमारी ग्रामपंचायतीमध्ये प्रभाग क्रमांक 1 मध्ये सर्वसाधारण, अनु.जमाती स्त्री, सर्वसाधारण स्त्री असे आरक्षण प्रवर्ग आहे. प्रभाग क्रमांक 2 मध्ये अनु.जाती स्त्री, अ.ज.सर्वसाधारण, अ.ज. स्त्री, प्रभाग क्रमांक 3 मध्ये अ.ज.सर्वसाधारण, अ.ज. स्त्री, सर्वसाधारण आरक्षण प्रवर्ग आहेत. राजाराम ग्रामपंचायतीमध्ये प्रभाग क्रमांक 1 मध्ये अ.ज.सर्वसाधारण, अ.ज. स्त्री, सर्वसाधारण, प्रभाग क्रमांक 2 मध्ये अ.ज.सर्वसाधारण, अ.ज. स्त्री, अ.ज. स्त्री, प्रभाग क्रमांक 3 मध्ये अ.जा. स्त्री, अ.ज.सर्वसाधारण, सर्वसाधारण स्त्री.
कोंजेड ग्रामपंचायतीमध्ये प्रभाग क्रमांक 1 मध्ये अ.ज. सर्वसाधारण, आरेंदा ग्रामपंचायतीमध्ये प्रभाग क्रमांक 2 मध्ये अ.ज. स्त्री. पल्ले ग्रामपंचायतीमध्ये प्रभाग क्रमांक 1 मध्ये अ.ज. स्त्री राखीव, प्रभाग क्रमांक 3 मध्ये अ.ज. रेगुलवाही ग्रामपंचायतीमध्ये प्रभाग क्रमांक 3 मध्ये अ.ज. स्त्री असे आरक्षण प्रवर्ग आहेत.
निवडणूकीचे टप्पे पुढीलप्रमाणे आहेत : तहसिलदार यांनी निवडणुकीची नोटीस प्रसिध्द करण्याचा दिनांक 06/10/2023 ( शुक्रवार ). नामनिर्देशनपत्रे मागविण्याचा व सादर करण्याचा दिनांक व वेळ ( मंडळ कार्यालय इमारत तहसिल कार्यालय, अहेरी ) दिनांक 16/10/2023 (सोमवार) ते दिनांक 20/10/2023 (शुक्रवार) वेळ सकाळी 11.00 ते दु. 3.00 वाजेपर्यंत. नामनिर्देशनपत्रांची छाननी करण्याचा दिनांक व वेळ (मंडळ कार्यालय इमारत तहसिल कार्यालय, अहेरी ) दिनांक 23/10/2023 (सोमवार) वेळ सकाळी 11.00 वाजतापासून छाननी संपेपर्यंत. नामनिर्देशनपत्रे मागे घेण्याचा अंतिम दिनांक व वेळ (मंडळ कार्यालय इमारत तहसिल कार्यालय, अहेरी )- दिनांक 25/10/2023 (बुधवार) वेळ दुपारी 3.00 वाजेपर्यंत. निवडणूक चिन्ह नेमून देणे तसेच अंतिमरित्या निवडणूक लढविणा-या उमेदवारांची यादी प्रसिध्द करण्याचा दिनांक व वेळ- दिनांक 25/10/2023 (बुधवार) वेळ दुपारी 3.00 वाजेनंतर. आवश्यक असल्यास मतदानाचा दिनांक – दिनांक 05/11/2023 (रविवार) सकाळी 7.30 वा. पासून ते दुपारी 3.00 वा. पर्यंत आहे.
1) अहेरी तालुक्यातील सार्वत्रिक व पोटनिवडणूकांसाठी असलेल्या ग्रामपंचायतीच्या कार्यक्षेत्रात दिनांक 03/10/2023 पासून निवडणूकीचा निकाल जाहीर होईपर्यंत आचारसंहिता लागु राहील. 2) संभाव्य उमेदवारांना सॉप्टवेअर द्वारेच नामनिर्देशनपत्र व घोषणापत्र भरणे अनिवार्य असल्यामुळे http://panchayatelection.maharashtra.gov.in या वेबसाईटवर सुविधा उपलब्ध करून देणेत आलेली आहे. या करीता अहेरी तालुक्यातील महाऑनलाईन सुविधा केंद्रात नामनिर्देशपत्रे ऑनलाईन भरण्यासाठी सुविधा उपलब्ध आहे. त्यामध्ये उमेदवारांनी स्वत:ची नोदणी करून घ्यावी व नामनिर्देशनपत्राची, घोषणापत्राची माहिती भरून त्याचे प्रिंट आऊट काढावे व त्यावर स्वाक्षरी / अंगठा करून निवडणूक निर्णय अधिकारी यांचेकडे दाखल करावे. 3) संभाव्य उमेदवारांना पारंपारीक पदध्तीने नामनिर्देशनपत्र दाखल करावयाचे असल्याने कार्यालयातून नामनिर्देशन पत्र प्राप्त करून परिपूर्ण भरून स्वाक्षरी / अंगठा करून निवडणूक निर्णय अधिकारी यांचेकडे दाखल करावे.
4)उमेदवारांना त्यांचे नामनिर्देशनपत्र दाखल करतेवेळी नामनिर्देशपत्र, मत्ता व दायित्व तसेच गुन्हेगारी पार्श्वभूमीबाबतचे घोषणापत्र, आवश्यक प्रमाणपत्रांच्या सत्यप्रती, तसेच राखीव जागेकरिता जात प्रमाणपत्र व जात वैधता प्रमाणपत्र (जात वैधता प्रमाणपत्र नसल्यास जात पडताळणी समितीकडे अर्ज सादर केल्याची पावती व निवडूण आल्याच्या दिनांकापासून 12 महिन्यांच्या आत पडताळणी समितीने दिलेले वैधता प्रमाणपत्र सादर करील असे हमीपत्र) इत्यादी कागदपत्रे सादर करावी. 5) नामनिर्देशन पत्रासोबत जोडावयाच्या घोषणापत्रातील कोणत्याही रकान्याची माहिती कोरी न ठेवता संपूर्ण रकान्याची माहिती भरणेत यावी. 6) ग्रामपंचायतीच्या सदस्य पदाच्या उमेदवारांने करावयाच्या खर्चाची सुधारीत मर्यादा सदस्य संख्या 7 ते 9 करिता 25,000 रूपये, 11 ते 13 सदस्य संख्या करीता 35,000 रूपये व 15 ते 17 सदस्य संख्या करीता 50,000 आहे. 7) ग्रामपंचायत आवलमारी व राजाराम येथिल सदस्य पद / थेट सरपंच पदाकरिता नामनिर्देशनपत्र दाखल करणा-या उमेदवाराचे नाव मतदार यादीत समाविष्ट असणे अनिवार्य आहे.
8) ग्रामपंचायत कोंजेड, आरेंदा, पल्ले व रेगुलवाही येथिल रिक्त सदस्य पदाकरीता नामनिर्देशनपत्र दाखल करणा-या उमेदवाराचे नाव मतदार यादीत समाविष्ट असणे अनिवार्य आहे. 9) नामनिर्देशन पत्रासोबत अनु.जाती किंवा अनु. जमाती यांच्यासाठी राखीव जागेकरीता रूपये 100 (अक्षरी-रूपये शंभर फक्त) व सर्वसाधारण जागेकरीता रूपये 500 (अक्षरी- रूपये पाचशे फक्त ) एवढी अनामत रक्कम रोखीने भरणे अनिवार्य आहे. 10) नामनिर्देशनपत्र दाखल करणा-या उमेदवाराचे वय 21 वर्षे पूर्ण असणे आवश्यक आहे. 11) उमेदवार दुस-या प्रभागातील मतदार असल्यास त्याबाबतचा उत्तारा सोबत जोडणे आवश्यक आहे. 12) केंद्र व राज्य शासनाकडून कोविड-19 च्या अनुषंगाने प्रतिबंधात्मक उपाययोजना व दक्षता घेण्याबाबतच्या सूचना/निर्बंध लागू झाल्यास मार्गदर्शक सुचनांचे काटेकोरपणे पालन करावे. 13) नामनिर्देशनपत्रासोबत अपत्याबाबतचे घोषणापत्र व शौच्छालयाचा वापर करीत असल्याबाबत सक्षम अधिका-याचे प्रमाणपत्र जोडावे, असे तहसिलदार तथा तालुका निवडणूक अधिकारी, अहेरी यांनी कळविले आहे.