श्री गणेश उत्सव आणि ईद ए मिलाद निमित्ताने वरोरा पोलीस स्टेशन अंतर्गत वरोरा उपविभागातील शांतता समिती सदस्यांची बैठक संपन्न
आगामी श्री गणेश उत्सव तसेच ईद ए मिलाद निमित्ताने जिल्हयात कायदा व सुव्यवस्था अबाधीत राहुन जातीय सलोखा कायद रहावा व सर्व प्रकारचे सण उत्सव मोठ्या उत्साहात व शांततेत पार पाडावा या साठी पोलीस अधीक्षक श्री. मुम्मका सुदर्शन आणि अप्पर पोलीस अधीक्षक श्री. ईश्वर कातकडे यांचे मार्गदर्शना खाली जिल्हयात प्रत्येक उपविभागा स्तरावरील पोलीस स्टेशन प्रभारी अधिकारी, ईतर संबंधीत विभागाचे अधिकारी तसेच संबंधीत उपविभागातील विविध धर्मीय प्रतिष्ठीत नागरीक व शांतता समिती सदस्य आणि मा. लोकप्रतिनिधी यांच्या अध्यक्षतेखाली बैठक घेण्यात येत आहे.
त्या अनुषंगाने आज दिनांक २५ ऑगस्ट, २०२५ रोजी वरोरा उपविभागाची बैठक पोलीस स्टेशन वरोरा अंतर्गत घेण्यात आली. सदर बैठकीत मा. लोकप्रतिनिधी तसेच अप्पर पोलीस अधीक्षक चंद्रपूर, संबंधीत उपविभागीय पोलीस अधीकारी आणि ईतर प्रशासकीय अधिकारी यांनी उपस्थितांना मार्गदर्शन केले.
विशेषतः सदर चे उत्सव शांततेत पार पाडण्याकरीता मंडप उभारणी, श्री गणेश मुर्तीची सुरक्षा, मंडपात व मिरवणुकीच्या वेळी करण्यात येणारी सजावट, देखावे हे आक्षेपार्य नसावेत. धार्मीक भावना दुखावणाऱ्या चित्रफित संबंधी स्पष्ट सुचना देण्यात आले. सर्व जाती धर्मामध्ये सामाजीक सलोखा व स‌द्भावनेचे वातावरण राहील याची दक्षता घेणे व त्यासाठी विविध उपाययोजना करणे बाबत मार्गदर्शन करण्यात आले. उत्सव दरम्यान सोशल मिडिया वरून आक्षेपाह संदेश, मजकुर प्रसारीत होणार नाही याची काळजी घेणेबाबत सर्वांना सुचित करण्यात आले. बॅनर, होर्डीग योग्य प्रकारे लावण्याबाबत सुचीत करण्यात आले.
याकरीता चंद्रपूर जिल्हा पोलीस दलातर्फे सर्वप्रकारचे खबरदारीच्या प्रतिबंधात्मक उपाय योजना सह बंदोबस्ताचे नियोजन करण्यात आले असुन सदर उत्सव कालावधीमध्ये कोणताही जातीय/धार्मीक तणाव निर्माण करणारी किंवा धार्मीक भावना दुखावणारी घटना / प्रकार घडुन जिलह्यातील कायदा व सुव्यवस्था बाधीत होणार नाही याची सर्वांनी काळजी घेण्याबात मार्गदर्शन करण्यात आले.
सदर बैठकीत मा. श्रीमती प्रतिभाताई धानोरकर, खासदार चंद्रपूर-वणी-आर्णी लोकसभा क्षेत्र, अपर पोलीस अधीक्षक श्री. ईश्वर कातकडे, सहा. जिल्हाधिकारी तथा उपविभागीय अधिकारी, वरोरा श्री. अमर राऊत, उपविभागीय पोलीस अधिकारी, वरोरा श्री. संतोष बाकल, तहसीलदार वरोरा श्री. योगेश कोटकर, तहसीलदार भद्रावती श्री. राजेश भांदककर, मुख्याधिकारी वरोरा आणि भद्रावती नगर परिषद चे प्रतिनिधी, कार्यकारी अभियंता सार्वजनीक बांधकाम वरोरा श्री. अक्षय लोहे, अभियंता म.रा.वी. मंडळ कंपनी वरोरा श्री. सचिन बदखल आणि पोलीस निरीक्षक श्री. आजींक्य तांबळे, वरोरा, पोनी. श्री. योगेश्वर पारधी, भद्रावती, सपोनी अमित कुमार दुबे, माजरी आणि उपविभागातील सर्व धर्मीय प्रतिष्ठीत नागरीक व शांतता समिती सदस्य गणेश मंडळ, डीजे धारक, पोलीस पाटील, पत्रकार मोठ्या संख्येने प्रमुख्याने उपस्थिती होते.
