मोपेडच्या डिक्कतील रोख रक्कम चोरणारे चोरटयांस अवध्या ३ तासात अटक
रोख रक्कम १,४०,०००/- रुपये जप्त
पोलीस स्टेशन वरोरा ची कामगिरी
दिनांक १७ नोव्हेंबर, २०२५ रोजी पोलीस स्टेशन वरोरा येथे फिर्यादी नामे सुनिल वासुदेवराव घाटे वय ४५ वर्ष रा. हनुमान वार्ड वरोरा हे यात्रा वार्ड वरोरा चिकन मार्केट जवळील बॅकेतुन काढलेले १ लाख ४० हजार रुपये त्याचे मोपेड गाडीच्या डिक्कीत ठेवुन यात्रा वार्ड वरोरा येथे एका हॉटेल मध्ये जावुन काही वेळातच परत त्यांच्या मोपेड गाडी जवळ आले असता त्या दरम्यान कोणी तरी अज्ञात चोरटयांनी त्याच्या मोपेड गाडीच्या डिक्कीत ठेवलेले रोख रक्कम १,४०,०००/- रु चोरुन नेले. अशा फिर्यादीचे रिपोर्ट वरुन पोस्टे वरोरा येथे अज्ञात आरोपीविरुध्द अपराध कामंक ७४४/२०२५ कलम ३०३(२) भारतीय न्याय संहिता-२०२३ अन्वये गुन्हा नोंदविण्यात आला.
गुन्हयाचे गांभीर्य लक्षात घेता वरोरा पोलीस स्टेशन गुन्हे शोध पथकाने तात्काळ घटनास्थळ गाठुन परिसरातील सीसीटीव्ही कॅमेरे व इतर तांत्रिक पध्दतीने अवध्या तीन तासाचे आत गुन्हयातील आरोपी नामे राजु लिंगन्ना इंद्रपवार रा. यात्रा वार्ड वरोरा याचा शोध घेवुन त्याच्या ताब्यातील गुन्हयातील संपुर्ण रोख रक्कम १,४०,०००/- रु. जप्त करण्यात आले असुन पुढील तपास वरोरा पोलीस करीत आहे.
सदरची कारवाई श्री मुम्मका सुदर्शन पोलीस अधीक्षक चंद्रपूर, श्री ईश्वर कातकडे अपर पोलीस अधीक्षक चंद्रपूर, श्री संतोष बाकल उपविभागीय पोलीस अधिकारी, वरोरा यांचे मार्गदर्शनाखाली पोलीस निरीक्षक श्री अजिंक्य तांबडे यांचे नेतृत्वात सपोनि श्री शरद भस्मे, पोअं. संदीप मुळे, महेश गावतुरे, विशाल राजुरकर पोस्टे वरोरा यांनी व्यापारी वर्ग श्री संजय शेन्डे, श्री अनिकेत पुरी, श्री प्रमोद लोंडे, श्री जयंत ठमके यांच्या मदतीने केली आहे.
