ज्येष्ठ नागरिकांची सेवा हीच ईश्वर सेवा : डॉ. मंगेश गुलवाडे
जागतिक आरोग्य दिनानिमित्त जेष्ठ नागरिक संघ येथे भव्य रोग निदान शिबिराचे आयोजन
इंडियन रेड क्रॉस सोसायटी चंद्रपूर, इंडियन मेडिकल असोसिएशन चंद्रपूर तसेच टाटा कॅन्सर केअर फाउंडेशन चंद्रपूर व स्त्री रोग तज्ञ् संघटना यांच्या संयुक्त विद्यमाने
जागतिक आरोग्य दिनाचे औचित्य साधून ज्येष्ठ नागरिक संघ शाखा, रामनगर येथे भव्य रोग निदान शिबिराचे यशस्वी आयोजन करण्यात आले.
या शिबिराचे उद्घाटन व मार्गदर्शन करताना इंडियन रेड क्रॉस सोसायटीचे सचिव डॉ. मंगेश गुलवाडे यांनी “ज्येष्ठ नागरिकांची सेवा हीच ईश्वर सेवा आहे” असे प्रतिपादन केले.
आयोजित आरोग्य शिबिरामध्ये ब्लड शुगर तपासणी, स्त्रियांचे आजार, कान-नाक-घसा तपासणी तसेच जनरल तपासणी अशा विविध आजारांचे निदान करण्यात आले. यावेळी रुग्णांना मोफत औषधांचे वितरण करण्यात आले.
सदर शिबिरामध्ये इंडियन रेड क्रॉस सोसायटीचे सचिव डॉ. मंगेश गुलवाडे, इंडियन मेडिकल असोसिएशनचे अध्यक्ष डॉ. प्रसाद पोटदुखे, डॉ. भानुदास दाभेरे, डॉ. कल्पना गुलवाडे, डॉ. नसरीन मवानी, डॉ. प्रवीण पंत,डॉ. मनीष मुधंडा,डॉ. मनीषा घाटे, डॉ. सौरभ राजूरकर, डॉ. कीर्ती साने, डॉ. सागर सरडा, डॉ. किरण जानवे, डॉ. आशिष बारबदे, डॉ. विनोद नगराळे तसेच ज्येष्ठ नागरिक संघाचे अध्यक्ष मारोतराव मत्ते आदी मान्यवर उपस्थित होते. त्यांच्या सक्रिय सहभागामुळे शिबिराचे यशस्वी आयोजन शक्य झाले.
या शिबिरामध्ये एकूण १५१ ज्येष्ठ नागरिकांची तपासणी करून त्यांना आवश्यक त्या मोफत औषधांचे वितरण करण्यात आले.
कार्यक्रमाचे सूत्रसंचालन व आभार प्रदर्शन जानवे यांनी केले.
या शिबिराच्या यशस्वी आयोजनासाठी टाटा कॅन्सर केअर फाउंडेशन तसेच इंडियन रेड क्रॉस सोसायटीच्या सर्व सभासदांनी अथक परिश्रम घेतले.
