NXG काईन, S.D. Hub (OPC) pvt.ltd या कंपनीमध्ये मध्ये गुंतवणूक करणाऱ्या गुंतवणुकदार यांना ठेवी परत मिळण्याकरीता फार्म भरूण देण्याचे आव्हान
फिर्यादी कार्तीक रमेश खंगार वय 27 वर्ष, धंदा इन्व्हेस्ट मॅनेजमेंट रा. वडगाव, नागपुर रोड चंद्रपुर यांना क्रिप्टो करंसी (NXG काईन मध्ये गुंतवणूक सांगुन आय डी तयार करण्याकरीता 50000 रूपये व महींद्रा XUV 300 बाहन देण्याचे खोटे आमिष दाखवून फिर्यादी व इतर गुंतवणुकदार यांची 14,00,023/- रूपयाची आर्थिक फसवणुक केल्याबाबतचा गुन्हा पोलीस स्टेशन रामनगर येथे अप क्र. 328/2026 कलम 318(4), 316(2), 61(2), 3(5) BNS सहकलम 3 MPID अॅक्ट अन्वये नोंद करण्यात आला असुन सदर गुन्हयाचा तपास आर्थिक गुन्हे शाखा चंद्रपुर करीत आहे.
सदर गुन्हयाचा तपास मा. मुम्मका सुदर्शन, पोलीस अधिक्षक, चंद्रपुर, मा. ईश्वर कातकडे, अपर पोलीस अधीक्षक, चंद्रपुर मा. प्रमोद चौगुले उपविभागीय पोलीस अधिकारी चंद्रपुर तथा प्रभारी अधिकारी आ.गु.शा. चंद्रपुर यांचे मार्गदर्शनाखाली तपास अधिकारी अभिषेक बागडे, पोउपनि, तपास पथक ग्रेड पोउपनि नानेश्वर श्रीरामे, पोहवा प्रभाकर तलांडे, आर्थिक गुन्हे शाखा चंद्रपुर हे करीत असून नमुद आरोपी (1) रमेश सखाराम भाष्कर वय 33 वर्षे, रा. स्नेह नगर परळी वैद्यनाथ जि. बीड, ह.मु. मंगलाबाई गोतसुर्वे यांचे घरी किरायाने शिमलानगर विजापुर रोड सोलापुर, (2) मंगलदास तुलाराम वरखडे, वय 49 वर्षे, रा. हनुमान मंदीर जवळ लोहारा ता. जि. चंद्रपूर यांना अटक करण्यात आली आहे.
आरोपीचे चौकशी मध्ये चंद्रपुर जिल्हयातील गुंतवणूकदार यांना मोठ्या प्रमाणात आमिष दाखवून फसवणूक केल्याचे कबूल केले आहे तरी गुंतवणूकदाराची ठेवी परत करण्याकरीता महाराष्ट्र ठेविदारांच्या (वित्तीय संस्थांमधिल हितसंबंधांचे सरंक्षण) अधिनियम सन 1999 महाराष्ट्र शासन परीपत्रक क्रमांक एम पी आय /प्र.क्र. ०९/पोल-११ दिनांक २५/०२/२०१९ अन्वये कार्यवाही करीता NXG कॉईन, S.D. Hub (OPC) pvt.ltd या कंपनीमध्ये गुंतवणूक केलेल्या गुंतवणूकदाराच्या ठेवी परत मिळण्याकरीता आर्थिक गुन्हे शाखा चंद्रपुर येथे वैध दस्ताऐवजासह ठेवी परत मिळण्याचा फार्म भरून देण्यात यावे.
