Vuenow Marketing Services Limited या कंपनीकडून गुंतवणुकदारांची
२५,०७,०५१/- रुपयांची आर्थिक फसवणुक केल्याबाबत
फिर्यादी विवेक नारायण बारसिंगे, वय ५२ वर्षे, रा. विवेक नगर, मुल रोड, चंद्रपूर, ह.मु. ग्रिन सिटी-१, ग्रिन हेरिटेज बिल्डींग, घर नं.०२, गोटाल पांजरी, नागपूर यांचे लेखी तक्रारीवरुन आरोपी (१) श्री. सुखविंदसिंग खरौर, सी.ई.ओ., वय ४० वर्षे, (२) डिम्पल सुखविंदसिंग खरौर, वय ३५ वर्षे, कंपनी डॉयरेक्टर (३) नितीन श्रीवास्तव, डॉयरेक्टर (४) विभूती शर्मा, प्रोजेक्ट मॅनेजर (५) भाग सिंग, आय.टी मॅनेजर (६) निलेश कुमार, डी.एम.एस. ऑपरेशन (७) राजीव चौधरी, सिक्युरिटी इनचार्ज यांचे विरुध्द् पो.स्टे. रामनगर अपराध क्र. ७७७/२०२५ कलम ३१८ (४), ३१६(२), ६१(२), ३(५) भारतीय न्याय संहिता सन २०२३ सहकलम ३ महाराष्ट्र ठेविदारांच्या (वित्तीय संस्थांमधिल हितसंबंधांचे सरंक्षण ) अधिनियम सन १९९९ अन्वये दिनांक 23/09/2025 रोजी गुन्हा नोंद करण्यात आला असून सदर गुन्हयाचा तपास आर्थीक गुन्हे शाखा, चंद्रपुर करीत आहेत.
सदर गुन्हयात यातील नमुद आरोपी बांनी 1) सुखविंदसिंग खरौर (२) नरेश कुमार क्रिष्णण गोपाल (३) विरेंद्र कुमार सुभाष भाटीया यांनी (1) M/s Vuenow Marketing Services Limited (M/s VMSL) CIN No. U74999UP2016PLC084440 (2) M/S Zebyte Rental Planet Pvt.Ltd. (M/s ZRPPL) CIN No. U74999UP2022PTC172707 (3) M/s Zebyte infotech Pvt Ltd.( M/s ZIPL) (4) M/s Vuenow Infotech Pvt. Ltd.( M/s VIPL) या कंपन्या स्थापन करुन कंपनीचे वेगवेगळे प्लॅन तयार करुन नमुद कंपनीच्या एका Cloud particle ची किंमत ३७,८४७/- रुपये आहे. त्या एका Cloud particle चे दरमहा किराया (Rent) TDS व GST कपात करुन १०३०/- रुपये प्रमाणे आपल्या बँक खात्यात जमा होते. ज्या प्रमाणात Cloud particle विकत घेवु त्या प्रमाणात कंपनीकडुन गुंतणुकीवरील नफा/किराया प्राप्त होतो. तसेच कितीही Cloud particle घेऊ शकतो. या कंपनीमध्ये गुंतवणुक केल्यास दर महिन्याला त्याचा किराया/नफा आपल्या बँक खात्यात जमा होतो आणि १० वर्षानंतर आपण गुंतविलेल्या रक्कमेच्या ४ पट रक्कम आपल्याला परत मिळत असते अशी स्कीम प्रसिध्दी करुन फिर्यादी व इतर गुंतवणुकदार यांना नमुद कंपनीत गुंतवणुक करण्यास भाग पाडून फिर्यादी व इतर गुंतवणुकदार यांची २५,०७,०५१ /- रु ची आर्थिक फसवणुक केलेली आहे.
-सदर गुन्हयातील गुंतवणुकदार यांची गुंतविलेली रक्कम परत करण्याकरिता महाराष्ट्र राज्य शासन परिपत्रक एमपीआय(/प्र.क्र.०९/पोल-११ दि २५/०२/२०१९ अन्वये एमपीआयडी कायद्या अंतर्गत शासनास प्रस्ताव सादर करणे असल्याने सर्व गुंतवणुकदार यांनी शासन परिपत्रक परिशिष्ट १ अन्वये फॉर्म भरणे सुरु असल्याने नमुद कंपनीमध्ये गुंतवणुक केलेल्या गुंतवणुकदारांनी गुंतवणुक केलेल्या रक्कम संबंधात चे दस्तऐवजासह आर्थिक गुन्हे शाखा येथे फॉर्म भरुन द्यावे. –
सदर गुन्हयाचा तपास मा. मुम्मका सुदर्शन, पोलीस अधिक्षक, चंद्रपूर, मा. ईश्वर कातकडे, अपर पोलीस अधिक्षक, चंद्रपूर, मा. प्रमोद चौगुले, उपविभागीय पोलीस अधिकारी, चंद्रपूर यांचे मार्गदर्शनाखाली सहा. पोलीस निरीक्षक संतोष शेगावकर हे करित आहेत.
