पोलीस स्थापना दिवस ( रायझिंग डे) निमित्ताने पोलीस स्टेशन सिंदेवाही येथे भव्य रक्तदान शिबीर व विविध समाज उपयोगी कार्यक्रम
पोलीस पाटील, होमगार्ड, व्यापारी, पत्रकार व नागरीकांचा उत्सुर्त प्रतिसाद
सिंदेवाही तालुक्यातील विविध शाळा कालेज येथे विद्यार्थ्यांना मार्गदर्शन व सुचना
पत्रकार कपिल मेश्राम यांनी केला ४२ वा रक्तदान
महाराष्ट्र शासनाने ०२ जानेवारी हा महाराष्ट्र पोलीसांचा स्थापना दिवस म्हणुन मान्यता दिली असुन, त्यानुसार संपुर्ण महाराष्ट्र राज्यात ०२ जानेवारी हा दिवस महाराष्ट्र पोलीस स्थापना दिवस म्हणुन साजरा करण्यात येतो. दि. ०२ जानेवारी ते ०७ जानेवारी पर्यत संपुर्ण सप्ताहात महाराष्ट्र राज्यातील पोलीस स्टेशन/शाखा/दुरक्षेत्र तर्फे पोलीस स्थापना दिवसानिमीत्य विविध कार्यक्रमांचे आयोजन करुन, स्पर्धा आयोजित करण्यात येतात. तसेच नागरीकांमध्ये जनजागृती होईल असे कार्यक्रम आयोजित करुन, मार्गदर्शन करुन पोलीस स्थापना दिवसानिमीत्य (रायझिंग डे) साजरा करण्यात येतो. यावर्षी सुद्धा पोलीस स्टेशन सिंदेवाही तर्फे पोलीस स्थापना दिवसाचे औचीत्य साधुन सिंदेवाही पोलीसांनी दि. ०७/०१/२०२६ रोजी जिवनज्योती ब्लॅड बँक नागपुर यांचे संयुक्त विद्यमाने पोलीस स्टेशन सिंदेवाही परीसरात रक्तदान शिबिराचे आयोजन करण्यात आले तसेच
सिंदेवाही तालुक्यातील विविध शाळा कालेज विद्यार्थ्यांना गुड टच, बॅड टच बाबत, सायबर क्राईम, वाहतुकीचे नियम व सुरक्षा, याबाबत पोलिस निरीक्षक कांचन पांडे यांनी माहीती दिली.
पोलीस स्टेशनचे अधिकारी/अंमलदार, पोलीस पाटील, महावितरण कंपनिचे कर्मचारी, होमगार्ड, व्यापारी, पत्रकार तसेच नागरीकांनी रक्तदान करुन पोलीस स्थापना दिवस साजरा करण्यात महत्वाचा वाटा उचलला असे प्रतिपादन पोलिस निरीक्षक कांचन पांडे यांनी केले.
पोलीस पाटील, होमगार्ड, व्यापारी, पत्रकार व नागरीकांना पो.स्टे. चे कामकाज, सायबर गुन्हे, नविन अंमलात आलेले कायदे, वाहतुक नियम व सुरक्षा, लैंगिक अत्याचार संबंधी गुन्हे, याबाबत पोलिस निरीक्षक कांचन पांडे यांनी मार्गदर्शन केलेत.
