प्रतिबंधीत नायलॉन मांजा विक्री, साठा व माल पुरविणारे विरुध्द कारवाई
दोन वेगवेगळ्या कारवाईत नायलॉन मांजा चे प्लॉस्टीक चक्री व वाहन असा एकुण ७७,०००/- रु. चा माल जप्त
स्थानिक गुन्हे शाखा आणि पो.स्टे. दुर्गापूर ची कामगिरी
दिनांक १० डिसेंबर, २०२५ रोजी स्थानिक गुन्हे शाखा चंद्रपूर चे पथकाने मिळालेल्या गोपनिय माहितीचे आधारे पो.स्टे. मुल हद्दीत आरोपी नामे साहिल गणेश नागोसे वय २० वर्ष रा. नागोसे मोहल्ला मुल याचे राहते घराची पंचासमक्ष झडती घेतली असता पतंग उडविण्याकरीता वापरण्यात येणारा, मानवी जिवितास आणि पर्यावरणास धोकादाय असलेला प्रतिबंधीत नायलॉन मांजा असलेल्या ३४ नग प्लास्टीक चक्री किं. अं. १७,०००/- रु.चा माल अवैधरित्या विक्री करीता साठा करून ठेवला असल्याचे मिळुन आल्याने सदर माल जप्त करुन त्याचेविरुध्द पो.स्टे. मुल येथे कलम २२३, २९२, ३३६, ५६ भारतीय न्याय संहिता-२०२३ सहकलम ५, १५ पर्यावरण संरक्षण अधिनियम अन्वये गुन्हा नोंदविण्यात आला असुन पुढील तपास मुल पोलीस करीत आहे.
त्याच प्रमाणे दिनांक १० डिसेंबर, २०२५ रोजी दुर्गापूर पोलीसांनी मिळालेल्या गोपनिय माहितीचे आधारे पो.स्टे. दुर्गापूर हद्दीत एका विधी संघर्ष बालकाकडुन पतंग उडविण्याकरीता वापरण्यात येणारा, मानवी जिवितास आणि पर्यावरणास धोकादाय असलेला प्रतिबंधीत नायलॉन मांजा असलेल्या ३० नग प्लास्टीक चक्री (MONO KITE FIGHTER) किं.अं.३०,०००/- रु.चा माल अवैधरित्या विक्री करीता साठा करून ठेवला असल्याचे मिळुन आल्याने तसेच सदर माल वाहतुकीकरीता वापरलेली एक्टीवा मोपेड किं.अं.३०,०००/- रु. असा एकुण ६०,०००/- रु. चा माल जप्त करुन पोस्टे दुर्गापूर येथे कलम २२३ भारतीय न्याय संहिता-२०२३ सहकलम ५, १५ पर्यावरण संरक्षण अधिनियम अन्वये गुन्हा नोंदविण्यात आला असुन पुढील तपास दुर्गापूर पोलीस करीत आहे.
सदरची कारवाई श्री मुम्मका सुदर्शन पोलीस अधीक्षक चंद्रपूर, श्री ईश्वर कातकडे अपर पोलीस अधीक्षक चंद्रपूर, श्री प्रमोद चौगुले, उपविभागीय पोलीस अधिकारी चंद्रपूर यांचे मार्गदर्शनात स्थानिक गुन्हे शाखा चंद्रपूर चे पो.नि. श्री अमोल काचोरे आणि पोस्टे दुर्गापूर चे पो.नि. श्री संदीप एकाडे यांचे नेतृत्वात सपोनि श्री सुबोध वंजारी, पोस्टे मुल, पोउपनि श्री संतोष निंभोरकर, सफौ धनराज करकाडे, पोअं. अजित शेन्डे, प्रफुल्ल गारघाटे स्थागुशा चंद्रपूर आणि पोउपनि श्री प्रविण बिंकलवार, पोहवा शार्दुल, पोअं मोरेश्वर गोरे, मंगेश शेन्डे, सोनल खोब्रागडे पोरटे दुर्गापूर यांनी केली आहे.
नागरीकांना आवाहन करण्यात येते की, जो कोणी धाउक/किरकोळ व्यापारी नायलॉन मांजा बाळगतांना किंवा विक्री करतांना किंवा साठवणुकदार आढळून आल्यास तात्काळ पोलीस नियंत्रण कक्ष चंद्रपूर येथील पोलीस हेल्पलाईन ११२ वर तात्काळ संपर्क करुन त्याबाबतची माहिती दयावी.
