नागरिकांमध्ये दहशत निर्माण करणेसाठी अवैधरित्या तलवार बाळगणाऱ्या इसमास अटक
पोलीस स्टेशन घुग्घुस ची कारवाई
आरोपी नामे मोहसीन अहमद उर्फ कलवा हा तडीपार कालावधीत घुग्घुस हद्दीमध्ये येवुन शस्त्र बाळगुन दहशत निर्माण करीत होता
दिनांक ३०/०९/२०२५ रोजी घुग्घुस पोलीसांना गोपनिय बातमीदाराकडुन खात्रीशिर माहिती मिळाली की, म्हातारदेवी बायपास रोड घुग्घुस येथे एक इसम नागरीकांमध्ये दहशत निर्माण करीत आले अशा माहितीवरून सदर ठिकाणी छापा टाकला असता आरोपी नामे मोहसीन अहमद उर्फ कलवा मोहम्मद इसलाम वय ३० वर्ष, रा. गांधी नगर घुग्घुस हा हातात धारदार तलवार बाळगुन नागरीकांमध्ये दहशत निर्माण करतांना मिळुन आल्याने त्याचे जवळुन एक धारदार लोखंडी तलवार किंमत २०००/- रु. चा जप्त करुन आरोपीविरुध्द पोलीस स्टेशन घुग्घुस येथे अपराध क्रमांक १४२/२०२५ कलम ४, २५ भारतीय हत्यार कायदा अन्वये गुन्हा नोंदविण्यात आला असुन पुढील तपास घुग्घुस पोलीस करीता आहे.
सदरची कामगिरी श्री मुम्मका सुदर्शन, पोलीस अधीक्षक चंद्रपूर, श्री ईश्वर कातकडे, अपर पोलीस अधीक्षक चंद्रपूर, श्री सुधाकर यादव, उपविभागीय पोलीस अधिकारी, चंद्रपूर यांचे मार्गदर्शनाखाली पोस्टे घुग्घुस ठाणेदार पोनि श्री प्रकाश राऊत यांचे नेतृत्वात सपोनि श्री सचिन तायवाडे, पोउपनि श्री गणेश अनभुले, पोहवा /२५०९ अनिल बैठा, पोअं/८७६ सुहास विधाते, पोअं/११५५ महेश भोयर, पोअं/३३० विजय ढपकस सर्व पोस्टे घुग्घुस यांनी केली आहे.
