पोलीस स्टेशन घुग्घुस हद्दीतील ATM कटींग टोळीचा पर्दाफाश राजस्थान येथील एक आरोपी अटकेत
स्थानिक गुन्हे शाखा, चंद्रपूर ची कामगिरी
दिनांक १५ सप्टेंबर, २०२५ रोजी रात्रौ दरम्यान पो.स्टे. घुग्घुस अंतर्गत बैंक ऑफ महाराष्ट्र, पांढरकवडा जि. चंद्रपूर येथील रोडवरील ATM काही अज्ञात इसम गॅस कटरचे सहायाने कटींग करुन ATM मधील १०,९२,८००/- रुपये चोरी केल्याचे तक्रारीवरुन अपराध क्रमांक १८४/२०२५ कलम ३०५, ३३१ (४), ३३४ (१) भारतीय न्याय संहिता-२०२३ अन्वये गुन्हा नोंदविण्यात आला.
सदर गुन्हयाचे गांभीर्य पाहता पोलीस अधीक्षक श्री मुम्मका सुदर्शन आणि अपर पोलीस अधीक्षक श्री ईश्वर कातकडे यांनी स्थानिक गुन्हे शाखा, चंद्रपूर चे वेगवेगळे तपास पथक तयार करुन आरोपीतांचे शोधार्थ पाठविलयाने घटनास्थळी प्राप्त पुराव्याचे आधारे व आरोपीतांनी गुन्हयात वापरलेले क्रमांक लपविलेले वाहन महिंद्रा बोलोरो चा पाठलाग करुन सतत रात्र-दिवस विविध ठिकाणाच्या अंदाजे ९००, १००० सीसीटीव्ही फुटेजची पाहणी करुन सतत १३ दिवस सातत्याने तांत्रिक पध्दतीने कौशल्यपुर्ण तपास करुन अथक परिश्रमाने आरोपी नामे जिल्ली सिरदार खान, वय ५२ वर्ष रा. सबलगड ता.कामा जि. भरतपुर, राजस्थान यास चिन्नुर जि. मंचेरियाल, तेलंगाना येथुन ताब्यात घेण्यात आले. सदर आरोपीस विश्वासात घेवुन विचारपुस केली असता त्याने त्याचे सह आरोपी (१) नामे साजीद खान राजुद्दीन रा. भाकडोंजी, पोस्टे फिरोजपुर झिरका, जि. नुह, राज्य-हरीयाणा, (२) शैकुल उन्नस खान रा. सावलेर, पोस्टे पहाडी ता. पहाडी जि.डिग राज्य राजस्थान, (३) काला रा. गुमटकी, बडकली चौकी, पोस्टे नगीना जि. नुह राज्य हरीयाणा याचे सदरचा गुन्हा केल्याचे सांगितले आहे.
सदर गुन्हयातील ताब्यात घेतलेला आरोपी नामे जिल्ली सिरदार खान यास पोलीस स्टेशन घुग्घुस यांचे ताब्यात देण्यात आले असुन पुढील तपास घुग्घुस पोलीस करीत आहे.
सदरची कामगिरी पोलीस अधीक्षक श्री मुम्मका सुदर्शन, अपर पोलीस अधीक्षक श्री ईश्वर कातकडे यांचे मार्गदर्शनात स्थानिक गुन्हे शाखा, चंद्रपूर चे पोलीस निरीक्षक श्री अमोल काचोरे यांचे नेतृत्वात सपोनि श्री दिपक कॉक्रेडवार, सपोनि श्री बलराम झाडोकार, पोउपनि श्री विनोद भुरले, पोउपनि श्री सुनिल गौरकार, पोहवा सुभाष गोहोकार, सतिश अवथरे, रजनीकांत पुठठावार, दिपक डोंगर, इमरान खान, पोअं किशोर वाकाटे, हिरालाल गुप्ता, शशांक बादामवार, मिलींद जांभुळे, रुषभ बारसिंगे सर्व स्थानिक गुन्हे शाखा चंद्रपूर आणि सायबर पोलीस स्टेशन चंद्रपूर यांनी केली आहे.
