अवैधरित्या तलवार बाळगणाऱ्या इसमास अटक पोलीस स्टेशन भद्रावती ची कारवाई
दिनांक २१/०८/२०२५ रोजी भद्रावती पोलीसांना गोपनिय बातमीदाराकडुन खात्रीशिर माहिती मिळाली की, राहुल नगर पंचशिल वार्ड भद्रावती येथे एक इसम नागरीकांमध्ये दहशत निर्माण करण्यासाठी अवैधरित्या तलवार बाळगुन असल्याचे माहितीवरुन सदर इसमाचे घरी पंचासमक्ष छापा टाकला असता आरोपी नामे अमीत वय २५ वर्ष यास ताब्यात घेवुन त्याचे जवळुन एक चमकदार पाते असलेली धारदार लोखंडी तलवार ८३ सेमी लांबीची जप्त करुन त्याचेविरुध्द पोलीस स्टेशन भद्रावती अपराध क्रमांक ४४३/२०२५ कलम ४, २५ भारतीय हत्यार कायदा अन्वये गुन्हा नोंदविण्यात आला असुन पुढील तपास भद्रावती पोलीस करीता आहे.
सदरची कामगिरी श्री मुम्मका सुदर्शन, पोलीस अधीक्षक चंद्रपूर, श्री ईश्वर कातकडे, अपर पोलीस अधीक्षक चंद्रपूर, श्री संतोष बाकल, उपविभागीय पोलीस अधिकारी, वरोरा यांचे मार्गदर्शनाखाली पोस्टे भद्रावती ठाणेदार पोनि श्री योगेश्वर पारधी यांचे नेतृत्वात पोउपनि श्री गजानन तुपकर, सफौ महेद्र बेसरकर, पोहवा अनुप आस्टूनकर, जगदीश झाडे, विश्वनाथ चुदरी, गोपाल आतकुलवार, पोअं खुशाल कावळे, योगेश घाटोळे, संतोष राठोड सर्व पोस्टे भद्रावती यांनी केली आहे.
