अवैध देशी विदेशी दारुची वाहतुक करणाऱ्यां ईसमांविरुध्द कारवाई
देशी विदेशी दारु आणि वाहतुकी करीता वापरलेले वाहनासह एकुण ६,१४,०००/- रु. किंमतीचा मुद्देमाल जप्त
बल्लारपूर पोलीस स्टेशनची कामगिरी
दिनांक १६ ऑगस्ट, २०२५ रोजी पोलीस स्टेशन बल्लारपूर येथील डायल ११२ वाहनावरील मार्शल पोलीस स्टेशन हद्दीत पेट्रोलींग करीत असतांना गोपनिय बातमीदार कडुन मिळालेल्या खात्रीशिर माहिती वरुन बल्लारपूर पोलीसांनी बामणी टि-पॉईन्ट कोठठीर रोडवर सापळा रचुन नाकाबंदी केली असता नाकाबंदी दरम्यान एक पांढऱ्या रंगाची बलीनो वाहन क्रमांक एम.एच.३४-सीजे-२४७७ येतांना दिसल्याने त्यास थांबवून पंचासमक्ष सदर वाहनाची पाहणी केली असता सदर वाहनात देशी दारु रॉकेट संत्रा कंपनीच्या २५ पेटी व ऑफीसर चॉईस कंपनीच्या २ पेटया विदेशी दारु विनापरवाना अवैधरित्या वाहतुक करीत असतांना मिळुन आल्याने वाहन चालक नामे सुदर्शन शंकर दासारी वय ३८ वर्ष रा. गडचांदुर यास ताब्यात घेवुन त्याचे वाहनातील वर नमुद देशी दारु रॉकेट संत्रा कंपनीच्या २५ पेटी (प्रत्येकी १०० बॉटल, ९० एम.एल. च्या) अं. किंमत १,००,०००/- रुपये आणि ऑफीसर चॉईस कंपनीच्या २ पेटया विदेशी दारु (प्रत्येकी १०० बॉटल, ९० एम.एल.च्या) अं. किंमत १४,०००/- रुपये किंमतीची आणि गुन्हयात वाहतुकी वापरण्यात आलेले बलीनो वाहन क्रमांक एम.एच. ३४-सीजे-२४७७ अं. किंमत ५,००,०००/- रुपये असा एकुण ६,१४,०००/- रु.चा माल जप्त करुन आरोपीविरुध्द पोलीस स्टेशन बल्लारपूर येथे कलम ६५ (अ) महाराष्ट्र दारुबंदी कायद्यान्वये गुन्हा नोंदविण्यात आला आहे. पुढील तपास बल्लारपूर पोलीस करीत आहे.
सदरची कामगिरी श्री मुम्मका सुदर्शन, पोलीस अधीक्षक चंद्रपूर, श्री ईश्वर कातकडे, अपर पोलीस अधीक्षक चंद्रपूर, श्री सुधाकर यादव, प्रभारी उपविभागीय पोलीस अधिकारी, राजुरा यांचे मार्गदर्शनाखाली पो.स्टे. बल्लारपूर पोलीस निरीक्षक श्री बिपीन इंगळे यांचे नेतृत्वात सपोनि श्री मदन दिवटे, पोहवा /२३३६ परमीवीर यादव, पोअं/१९४६ सौरभ मुन ईत्यादींनी केली आहे.
