शिवाजी चौक गोंडपिपरी येथे नाकाबंदी करुन गौवंशीय जनावरांची अवैध वाहतुक करणाऱ्या वाहनास पकडुन
२३ गौवंशीय जनावरांची सुटका, १७,२०,०००/- रु चा मुद्देमाल जप्त
पोलीस स्टेशन गोंडपिपरी ची कामगिरी
दिनांक १९ जुलै, २०२५ रोजी गोंडपिपरी पोलीसांनी शिवाजी चौक येथे केलेल्या नाकाबंदी दरम्यान अहेरी ते बल्लारपूर जाणाऱ्या रोडवरुन एका आयशर ट्रक मधुन अवैधरित्या गोवंशीय जनावरांची वाहतूक होत असल्याबाबत मिळालेल्या गोपनिय माहितीवरुन रात्रौ ०२:०० वाजता सुमारास अहेरी कडुन एक आयशर ट्रक येत असतांना दिसल्याने त्यास थांबवून पंचासमक्ष ट्रकची तपासणी केली असता त्यामध्ये २३ गोवंशीय जनावरे दोरीने बांधुन कत्तीकरीता घेऊन जात असतांना मिळुन आल्याने सदर वाहनातील आरोपी नामे (१) मो. इरफान मो. गौस वय ३७ वर्ष रा. एरकुंडा रंगारेड्डी (२) मो. शकील मो. अनवर वय २७ वर्ष रा. बंडलागुडा हैद्राबाद यांचेविरुध्द गोवंश हत्या बंदी कायद्यानुसार गुन्हा नोंद करुन त्यांच्याकडुन एक आयशर ट्रक क्र. AP22-Y-7879 किं. १३,००,०००/- रुपये, आणि २३ गोवंशीय जनावरे किं. ४,२०,०००/- असा एकुण १७,२०,०००/- रुपयाचा माल जप्त करण्यात आला आहे. पुढील तपास गोंडपिपरी पोलीस करीत आहे.
सदरची कारवाई पोलीस अधीक्षक श्री मुम्मका सुदर्शन, अपर पोलीस अधीक्षक श्री ईश्वर कातकडे, प्रभारी उपविभागीय पोलीस अधिकारी श्री सुधाकर यादव यांचे मार्गदर्शनात पो.स्टे. गोंडपिपरी ठाणेदार सपोनि श्री रमेश हत्तीगोटे यांचे नेतृत्वात पोअं. अंबादास सिडाम, अतुल तोडासे, तिरुपती गोंडसेलवार, प्रविण कडुकर, सुनिल गव्हारे, सचिन गायकवाड सर्व पो.स्टे. गोंडपिपरी यांनी केली आहे.
