दामिनी अॅप च्या वापराबाबत सुचना व मार्गदर्शन
मान्सुन कालावधीत विशेषतः जुन व जुलै या महिन्यात विज पडून जिवीत हानी होत असते. विज पडून जिवीत हानी होऊ नये या करीता प्रतिबंधात्मक उपाययोजना म्हणुन पृथ्वी मंत्रालय भारत सरकार नवी दिल्ली यांनी दामिनी अॅप तयार केले असून सदरचे अॅप Google Play Store वर उपलब्ध आहे. सुरक्षात्मक उपाययोजना म्हणून आपले अधिनस्त तालुक्यातील सर्व शासकीय यंत्रणा शासकीय अधिकारी/कर्मचारी नागरीक क्षेत्रीय अधिकारी/मंडळ अधिकारी, अव्वल कारकुन, महसूल सहाय्यक, गाव स्तरावरील सरपंच, पोलीस पाटील, तलाठी, ग्रामसेवक, कृषीसेवक, कोतवाल आशा वर्कर अंगणवाडी सेविका, आरोग्य सेवक, ग्रामपंचायत डाटा एंन्ट्री ऑपरेटर यांना सदरचे अॅप डाऊनलोड करुन त्याचा वापर करणेबाबत प्रवृत्त करण्यात यावे. तसेच सदरचे अप GPS लोकेशनने काम करीत असून विज पडण्याच्या १५ मिनिटापूर्वी सदरच्या अॅपमध्ये स्थिती दर्शविण्यात येते.
आपले अॅपमध्ये सभोवताल विज पडत असल्यास सदरचे ठिकाणापासून सुरक्षित स्थळी जावे तसेच सदर वेळी झाडाचा आश्रय घेऊ नये याबाबतचे त्यांना निर्देश देण्यात यावे तसचे इतर सामान्य नागरीक यांना हे अॅप डाऊनलोड करण्यास प्रवृत्त करावे. याबाबतच्या सूचना आपले स्तरावरुन निर्गमित करण्यात याव्यात. तसेच याबाबत आपले स्तरावरुन व्हिडीओ कॉन्फरन्स आयोजित करुन दामिनी अॅप Google Play Store डाऊनलोड करणे व वापरणे याबाबत माहिती दयावी व त्याचाबतचा अहवाल या कार्यालयास सादर करावा. गावातील सर्व स्थानिक शासकीय अधिकारी/कर्मचारी यांना सदर App-Download करुन त्यामध्ये प्राप्त होणाऱ्या Alert नुसार आवश्यक पूर्वसूचना गावातील सर्व नागरीकांना देऊन होणारी जिवितहानी टाळण्याच्या अनुषंगाने कार्यवाही करण्यास कळविण्यात यावे. असे जिल्हाधिकारी तथा अध्यक्ष जिल्हा आपत्ती व्यवस्थापन प्राधिकरण, यांनी कळविले आहे.
