2 डिसेंबर रोजी लोकशाही दिनाचे आयोजन
गडचिरोली,दि.27: सर्व जनतेस सुचित करण्यात येते की, लोकशाही दिनाचे आयोजन सोमवार दिनांक 2 डिसेंबर 2024 रोजी दुपारी 3.00 वाजता जिल्हाधिकारी कार्यालय, गडचिरोली येथील सभागृहात आयोजित करण्यात येत आहे.
सदर सभेच्या दिवशी तक्रार अर्ज स्वीकारण्याची वेळ दुपारी 2.00 ते 3.00 वाजेपर्यंत राहील आणि सभेला 3.00 वाजता सुरुवात होईल. ज्या तक्रारदारांना लोकशाही दिनात तक्रार अर्ज दाखल करावयाचा असल्यास त्यांनी तालुका स्तरावरील लोकशाही दिनात दाखल केलेल्या तक्रारीचे निराकरण होऊन प्राप्त झालेल्या अहवालावर समाधान न झाल्यास तालुकास्तरावरील प्राप्त अहवाल व टोकन क्रमांक जोडुन जिल्हास्तरावर दिनांक 02 डिसेंबर 2024 रोजी होणाऱ्या लोकशाही दिनात तक्रार अर्ज विहित नमुन्यात ( प्रपत्र -1 अ ते 1 ड ) दोन प्रतित दाखल करणे आवश्यक राहील. तसेच तक्रार /निवेदन वैयक्तिक स्वरुपाची असावी. अन्यथा अर्ज विचारात घेण्यात येणार नाही. असे निवासी उपजिल्हाधिकारी, गडचिरोली यांनी कळविले आहे.
