महात्मा ज्योतिराव फुले शेतकरी कर्जमुक्ती योजनेअंतर्गत 46 हजार 824 शेतकऱ्यांना 158.32कोटी रु प्रोत्साहन पर लाभ
भंडारा दि. 2 : महात्मा ज्योतिराव फुले शेतकरी कर्जमुक्ती योजनेअंतर्गत ज्या शेतकऱ्यांनी मागील महिन्यात आपले आधार प्रमाणीकरण केले अशा 11 हजार 836 शेतकऱ्यांच्या बँक खात्यात 46 कोटी 70 लाख रुपये रक्कम शासनाने ऑक्टोबर महिन्यात जमा केली. यामध्ये जिल्ह्यातील 243 शेतकऱ्यांच्या खात्यात 94 लाख रूपये जमा करण्यात आले.
या प्रोत्साहनपर लाभ योजनेसाठी जिल्ह्यातील 270 शेतकऱ्यांनी अद्याप आपले आधार प्रमाणीकरण केले नाही. अशा शेतकऱ्यांनी नजीकच्या सुविधा केंद्र अथवा आपल्या बँक शाखेत आपले आधार प्रमाणिकीकरण करुन घ्यावे असे आवाहन जिल्हा उपनिबंधक सह संस्था शुद्धोधन कांबळे यांनी केले आहे.
महाराष्ट्रात या योजनेमध्ये सन 2017-18, 2018-19, 2019-20 या तीन वर्षांमध्ये बँकेकडून पीक कर्जाची उचल करून नियमित परतफेड केली आहे आशा एकूण 14 लाख 50 हजार शेतकऱ्यांना आज पर्यंत एकूण 5310 कोटी रुपये लाभ देण्यात आला आहे.
भंडारा जिल्ह्यातील 46 हजार 824 शेतकऱ्यांना 158 कोटी 32 लाख रु. एवढा लाभ आजवर मिळाला आहे.
