ऑनलाईन शेतकरी नोंदणीला 31 मे 2024 पर्यंत मुदत वाढ
आधारभूत किंमत धान खरेदी योजना रब्बी पणन हंगाम २०२३-२४ अंतर्गत धान/भरडधान्य (मका) करिता ऑनलाईन नोंदणी दि. 30 एप्रिल 2024 अखेर मुदत देण्यात आली होती. भंडारा जिल्ह्यामध्ये मागील हंगामाच्या तुलनेत अजुनही ऑनलाईन शेतकरी नोंदणी झालेली नसल्याने शासनाच्या पत्रानुसार धान/भरडधान्य खरेदी करीता ऑनलाईन शेतकरी नोंदणीला दि.31 मे 2024 अखेर पर्यंत मुदतवाढ देण्यात आलेली आहे.
तरी शेतकऱ्यांनी रब्बी पणन हंगाम २०२३-२४ मध्ये धान विक्री करण्याकरिता आपल्या नावाची नोंदणी नजिकच्या केंद्रावर जाऊन करावी व त्यासाठी आवश्यक असलेले कागदपत्रे जसे की जमिनीचा ऑनलाईन सातबारा उतारा (चालू हंगामाचा पिकपेरा असलेला), नमुना ८ अ. बँकेचे पासबुक अथवा रद्द केलेला धनादेश, अद्यावत मोबाईल क्रमांक आणि आधार कार्ड इत्यादी कागदपत्रे खरेदी केंद्रावर नेऊन तिथे आपली नावे नोंदवावी. जेणेकरून रब्बी पणन हंगाम २०२३-२४ मध्ये धान विक्री करता येईल. शेतकरी बाधवांनी उन्हाळी धान खरेदीसाठी नजिकच्या शासकिय धान/भरडधान्य खरेदी करणाऱ्या संस्थांकडे कागदपत्र सादर करुन रब्बी हंगाम २०२३-२४ धान खरेदीकरीता ऑनलाईन शेतकरी नोंदणीचा लाभ घेण्यात यावा. असे आवाहन जिल्हा पणन अधिकारी यांच्याकडुन करण्यात येत आहे.
