जात वैधता प्रमाणपत्र त्रृटीबाबत 31 ऑक्टोबर रोजी उपस्थित राहण्याचे आवाहन
गडचिरोली, दि.26: सन 2023-24 या शैक्षणिक सत्रात 11 वी, 12 वी विज्ञान शाखेतील तसेच व्यावसायिक पाठयक्रमातील, सेवा व निवडणुकीचे जात वैधता प्रमाणपत्र पडताळणीचे प्रस्ताव विहीत नमून्यात (ऑनलाईन) आवश्यक त्या दस्ताऐवजासह समितीस दिनांक 16 आक्टोबर 2023 पर्यंत दाखल केलेले प्रकरणे निकाली (त्रृटीचे प्रकरणे वगळता) काढण्यात आलेले आहेत. तरी ज्या अर्जदारांना जात वैधता प्रमाणपत्र त्यांच्या ईमेल. आय. डी. वर आजपर्यंत प्राप्त झालेले नाही, अशी सर्व प्रकरणे त्रृटीत असल्याने अर्जदारानी कार्यालयीन वेळेत दिनांक 31 आक्टोबर 2023 रोजी मानीव दिनांकाचे जात व अधिवास पुराव्यांसह समिती कार्यालयात उपस्थित राहावे.
सदर त्रृटीची पुर्तता न केल्यास सर्वस्वी जबाबदारी ही अर्जदाराची राहील. तसेच 11 वी, 12 वी विज्ञान शाखेतील विद्यार्थांनी जात वैधता प्रमाणपत्राचे प्रस्ताव घेणे चालू आहे. तरी सर्व अर्जदारांनी कार्यालयामध्ये प्रस्ताव सादर करावे, असे आवाहन उपायुक्त देवसूदन धारगावे यांनी केले आहे.
