23 मार्चला विभागीय हातमाग कापड स्पर्धा
भंडारा दि. 12: सहकार, पणन व वस्त्रोद्योगामार्फत हातमाग विणकरांनी विणलेल्या उत्कृष्ठ हातमाग कापड नमुन्यांना प्रोत्साहन देऊन विणकरांना गौरविण्यासाठी हातमाग कापड स्पर्धेचे आयोजन करण्यात आले आहे. विभागीय हातमाग कापड स्पर्धेचे आयोजन विभागीय आयुक्त विजयलक्ष्मी बिदरी यांच्या अध्यक्षतेखाली विभागीय आयुक्त कार्यालयाच्या सभागृह, जुने सचिवालय, सिव्हील लाईन, नागपूर येथे 23 मार्च 2023 रोजी सकाळी 11.00 वाजता केले आहे.
या स्पर्धेत अमरावती आणि नागपूर विभागातील हातमाग विणकरांनी जास्तीत जास्त संख्येने या स्पर्धेत सहभाग नोंदविण्याकरीता हातमाग विणकरांनी तयार केलेले नमूने प्रादेशिक उपआयुक्त, वस्त्रोद्योग, प्रशासकीय इमारत क्रं. 2, आठवा माळा, “बी” विंग, सिव्हील लाईन्स, नागपूर या कार्यालयात 21 मार्च 2023 रोजी दुपारी 2.00 वाजेपर्यंत सादर करावे. या कार्यालयाचा दूरध्वनी क्रमांक 0712-2537927 वर संपर्क साधावा.
