डी.एल.एङ प्रथम वर्षाकरीता ऑनलाईन अर्ज सादर करण्याला 14 जुलैपर्यंत मुदतवाढ
चंद्रपूर, दि. 12 जुलै : डी.एल.एङ प्रथम वर्ष ऑनलाईन प्रवेश सर 2022-23 मधील नियोजित वेळापत्रकानुसार ऑनलाईन प्रवेश अर्ज सादर करण्यासाठी 23 जून ते 7 जुलै 2022 अशी मुदत देण्यात आली होती. तथापि राज्य शैक्षणिक संशोधन व प्रशिक्षण परिषदेस विविध अध्यापक विद्यालयाकडून प्राप्त निवेदनानुसार सदर प्रवेश अर्ज सादर करण्याची मुदत आता 14 जुलैपर्यंत वाढविण्यात आल्याचे जिल्हा शिक्षण व प्रशिक्षण संस्थेचे प्राचार्य धनंजय चाफले यांनी कळविले आहे.
