गुंजेवाहीचा सुपुत्र सिद्धार्थ गोवर्धन यांना ‘अखिल भारतीय मराठी नाट्य परिषदे’चा सर्वोत्कृष्ट नाट्य लेखक पुरस्कार जाहीर
सिंदेवाही : आपल्या लेखणीच्या जोरावर नाट्यक्षेत्रात स्वतःचा वेगळा ठसा उमटवणारे गुंजेवाही गावचे सुपुत्र सिद्धार्थ गोवर्धन यांना अखिल भारतीय मराठी नाट्य परिषदेतर्फे ‘सर्वोत्कृष्ट नाट्य लेखक’ पुरस्कार जाहीर झाला आहे. या गौरवशाली यशामुळे गुंजेवाहीच्या शिरपेचात मानाचा तुरा रोवला गेला असून, संपूर्ण परिसरातून त्यांच्यावर अभिनंदनाचा वर्षाव होत आहे.
सिद्धार्थ यांनी त्यांच्या नाटकातून समाजातील विविध पैलू आणि मानवी संवेदनांचे प्रभावी चित्रण केले आहे. त्यांच्या या योगदानाची दखल घेऊन नाट्य परिषदेने त्यांना हा प्रतिष्ठित पुरस्कार प्रदान केला आहे.
या यशाबद्दल बोलताना सिद्धार्थ गोवर्धन भावूक झाले. त्यांनी आपल्या भावना व्यक्त करताना सांगितले की, “माझ्या या यशात माझ्या गावाचा मोठा वाटा आहे. मी माझ्या सर्व ग्रामस्थांचे मनापासून आभार मानतो. मी गावाचे उपकार कधीच विसरू शकत नाही.
अखिल भारतीय मराठी नाट्य परिषदेचा ‘सर्वोत्कृष्ट नाट्य लेखक’ पुरस्कार प्राप्त करून गुंजेवाहीचे नाव कलाक्षेत्रात अजरामर करणारे आमचे सुपुत्र सिद्धार्थ गोवर्धन यांना हार्दिक अभिनंदन! तुझी ही यशस्वी घोडदौड अशीच सुरू राहो, हीच संपूर्ण गावाकडून शुभेच्छा व्यक्त केली जात आहे.
