पो.स्टे. धाबा हददीत गोवंशाची अमानुष व अवैध वाहतुक करणाऱ्यांविरुध्द कारवाई
एकुण २६ नग (गौवंशीय) जनावरांची सुटका, १९ लक्ष ३० हजार रु. चा माल जप्त स्थानिक गुन्हे शाखा, चंद्रपूर ची कामगिरी
दिनांक १४ एप्रिल, २०२६ रोजी स्थानिक गुन्हे शाखा चंद्रपूर च्या पथकाने मिळालेल्या गोपनिय माहितीवरुन पोस्टे धाबा हद्दीत नाकाबंदी करुन गोवंश जनावरांची अवैध वाहतुक करणारे दोन पिकअप वाहन पकडुन त्याची पाहणी केली असता सदर वाहनामध्ये एकुण २६ नग जनावरे गोवंश (बैल, गाय, गोरे) अमानुष रित्या भरुन कत्तलीकरीता नेत असतांना मिळुन आल्याने आरोपी नामे (१) विश्वास प्रकाश मांडवगडे वय २२ वर्ष रा. इंदिरा नगर गोंडपिपरी (२) क्रिष्णा उर्फ चिरकुट रा. बेंबाळ ता. मुल (३) रवि तोराम रा. लक्कडकोट ता. राजुरा (४) श्याम मडावी रा. लक्कडकोट ता. राजुरा (५) समीर खान रा. राजुरा (६) अज्जु शेख रा. कागजनगर (तेलंगना) यांच्याविरुध्द पोस्टे धाबा येथे कलम ११(१) (ड) प्राण्यांना निर्दयतेने वागणुक प्रतिबंधक कायदा १९६० व कलम ५, ५ (अ), ५ (ब) ९ महाराष्ट्र पशुसंवर्धन कायदा १९७६ सुधारित २०१५ व कलम ११९ म.पो.का. अन्वये गुन्हा नोंद करण्यात आला आहे.
सदर गुन्हयात एकुण २६ नग जनावरे (गोवंशीय) सह दोन पिकअप वाहन व एक नग मोबाईल असा एकुण किं.अं.१९,३०,०००/- रुपयाचा माल जप्त करण्यात आला आहे.
सदरची कामगिरी श्री मुम्मका सुदर्शन-पोलीस अधीक्षक चंद्रपूर, श्री ईश्वर कातकडे- अपर पोलीस अधीक्षक चंद्रपूर यांचे मार्गदर्शनाखाली पोलीस निरीक्षक श्री अमोल काचोरे, स्थानिक गुन्हे शाखा चंद्रपूर यांचे नेतृत्वात सपोनि श्री दिपक कॉक्रेडवार, सपोनि श्री बलराम झाडोकार, सपोनि श्री धर्मेंद्र मडावी उप पोस्टे धाबा व स्थानिक गुन्हे शाखा चंद्रपूर येथील पोलीस अंमलदारांनी केली आहे.
