दोन घरफोडीचे गुन्हे उघड एक आरोपी अटक, चोरीतील सोन्या-चांदीचे दागीने व रोख असा एकुण २,५०,१००/- रु. चा मुद्देमाल जप्त
पोलीस स्टेशन भद्रावती ची कारवाई
दिनांक २३/०७/२०२५ रोजी भद्रावती पोलीसांना गोपनिय बातमीदाराकडुन खात्रीशिर माहिती मिळाली की, सुर्यमंदीर वार्ड भद्रावती येथे एक इसम हा घराचा ताल तोडुन घरात प्रवेश करुन चोरी करण्याचा प्रयत्न करीत आहे. अशा माहिती मिळताच भद्रावती पोलीस तत्काळ घटनास्थळी पोहचुन सुर्यमंदीर वार्ड भद्रावती येथील श्री गोवर्धन पांडे यांचे घरात संशयीतास ताब्यात घेवुन त्याचे नांव गांव विचारणा केली असता त्याने आपले नाव प्रमोद उर्फ मोबाईल अरुण गेडाम वय ३२ वर्ष रा. रासा घोंसा भद्रावती असे सांगुन त्याने पोलीस स्टेशन भद्रावती अप.क्र. ४३३/२०२४ आणि अपराध क्रमांक ३३६/२०२५ कलम ३३१ (३), ३३१ (४), ३०५ (अ) भारतीय न्याय संहिता चे दोन घरफोडीचे गुन्हे केल्याची कबुली दिली. यावरुन पंचासमक्ष त्याचे कडुन सदर गुन्हयातील चोरीचा माल सोन्या-चांदीचे दागीने व रोख असा एकुण २,५०,१००/-रुपयाचा मुद्देमाल जप्त करण्यात आला आहे. अशा प्रकारे सदर आरोपी कडुन वरील दोन गुन्हयासह सुर्यमंदीर वार्ड येथील घरफोडीचा गुन्हा सुध्दा उघडकीस आला असुन पुढील तपास भद्रावती पोलीस करीत आहे.
सदरची कारवाई श्री मुम्मका सुदर्शन, पोलीस अधीक्षक चंद्रपूर, श्री ईश्वर कातकडे, अपर पोलीस अधीक्षक चंद्रपूर, श्री सुधाकर यादव, प्रभारी उपविभागीय पोलीस अधिकारी यांचे मार्गदर्शनाखाली भद्रावती ठाणेदार पोनि श्री योगेश्वर पारधी यांचे नेतृत्वात सपोनि श्री विरेंद्र केदारे, पोउपनि गजानन तुपकर, सफौ महेंद्र बेसरकर, पोहवा अनुप आस्टुनकर, जगदीश झाडे, विश्वनाथ चुदरी, पोअं खुशाल कावळे, योगेश घाटोळे, भुषण चौधरी सर्व पोलीस स्टेशन भद्रावती यांनी केली आहे.
