शाळेतुन काढुन टाकल्याचा रागातून शाळेत केलेल्या चोरीचा गुन्हा उघड दोन विधी संघर्ष अल्पवयीन बालकांकडुन चोरीचा साहित्य जप्त
पोलीस स्टेशन रामनगर ची कारवाई
दिनांक १७ मे, २०२५ रोजी पोलीस स्टेशन रामनगर हद्दीतील माध्यमिक शाळेतील कॅम्प्युटर, सीसीटीव्ही कॅमेरे, डीव्हीआर ईत्यादी साहित्य चोरीची तक्रार नोंदविण्यात आली होती. सदर गुन्हयाचा तपास पोलीस स्टेशन रामनगर चे गुन्हे शोध पथकाने करुन तपासादरम्यान शाळेत गैरवर्तनाच्या कारणावरुन शाळेतुन काढुन टाकलेल्या एका विधी संघर्ष बालकाने त्याचा अल्पवयीन साथीदाराचे मदतीने शाळेत चोरी केल्याची माहिती निष्पन्न झाल्यावरुन दोन्ही विधी संघर्ष बालक यांना त्यांच्या पालकांसमक्ष ताब्यात घेवुन विचारपूस केली असता त्यांनी चोरी केल्याची कबुली देवुन आपल्या घरातुन शाळेतुन चोरलेले कॅम्प्युटर, सीसीटीव्ही कॅमेरा, डीव्हीआर मशीन ईत्यादी साहित्य किंमत ४३,७००/-रुपयाचा माल काढुन दिल्याने तो जप्त करुन दोन्ही विधी संघर्ष बालकांना ताब्यात घेवून बाल न्यायालयात हजर करण्यात आले आहे.
सदरची कामगिरी पोलीस अधीक्षक श्री मुम्मका सुदर्शन आणि अपर पोलीस अधीक्षक रिना जनबंधु, उपविभागीय पोलीस अधिकारी श्री सुधाकर यादव यांचे मार्गदर्शनात पोलीस निरीक्षक श्री आसिफराजा शेख, पोलीस स्टेशन रामनगर यांचे नेतृत्वात सपोनि श्री देवाजी नरोटे, सपोनि श्री हनुमान उगले, पो अं. जितेंद्र आकरे, शरद कुडे, आनंद खरात, लालु यादव, पेतरस सिडाम, प्रशांत शेंदरे, सचिन गुरनुले, मनिषा मोरे, रविकुमार ढंगळे, संदीप कामडी, हिरा गुप्ता, पंकज ठोंबरे, प्रफुल्ल पुप्पलवार, ब्ल्युटी साखरे यांनी केली आहे.
