गोदाम बांधकामासाठी 50 टक्के किंवा जास्तीत जास्त 12.50 लाखांपर्यत कर्ज
इच्छुक शेतकऱ्यांनी 8 जुलै पर्यत अर्ज सादर करा
भंडारा : अन्न आणि पोषण सुरक्षा भात व कडधान्य सन 2024-25 अंतर्गत स्थानिक पुढाकाराच्या बाबी या घटकामध्ये शेतकरी उत्पादन कंपनी, संघ यासाठी 250 मेट्रीक टन क्षमतेचे गोडावून बांधकामासाठी 50% किंवा जास्तीत जास्त 12.50 लाखांपर्यंत यापैकी जे कमी असेल ते अनुदान देय आहे. त्याकरीता इच्छुक शेतकरी उत्पादक संघ/ कंपनी FPO/FPC यांनी त्यांचे तालुक्यातील तालुका कृषी अधिकारी यांचे मार्फत विहित प्रपत्रात, नोंदणी प्रमाणपत्र जोडून, अर्ज महाराष्ट्र राज्य वखार महामंडळाच्या प्राधिकृत अधिकारी अथवा सार्वजनिक विभागाच्या मान्यताप्राप्त डिझाईन्स, स्पेसीफिकेशन व खर्चाच्या अंदाजपत्रकासह आपले तालुक्यातील तालुका कृषी अधिकारी यांच्या कार्यालयाला 8 जुलै पर्यंत प्रस्ताव सादर करावे.
प्रस्तावास जिल्हा अधिक्षक कृषी अधिकारी, भंडारा कार्यालयाचे निवड पत्र प्राप्त झाल्यानंतर सदर योजनेचा लाभ घेतांना बँक कर्जाशी निगडित असल्यामुळे अर्जदारांनी प्रस्ताव सादर करतांना केंद्र शासनाच्या ग्रामीण भंडारण योजना, नाबार्डच्या मार्गदर्शक सुचनानुसार बँकेकडे प्रस्ताव सादर करणे आवश्यक आहे. बँकेने सदर प्रकल्प मंजुर केल्यानंतरच संबधीत अर्जदारांना मार्गदर्शक सुचनांचे आधिन राहुन अनुदान देण्यात येईल असे श्रीमती. संगीता माने, जिल्हा अधिक्षक कृषी अधिकारी, भंडारा यांनी कळविले आहे.
