महाराष्ट्र संघटित गुन्हेगारी नियंत्रण कायदा १९९९ MCOCA मधील फरार अरोपीला उत्तर प्रदेश राज्यातुन अटक
दिनांक ०१/०३/२०२६ पोलीस स्टेशन वरोरा हद्दीतील बामर्डा रेती घाटाचे वादातुन दोन गटांमध्ये झालेला वाद विकोपाला जावुन त्यामध्ये रेती व्यवसायिक भारत नागपाल रा. वर्धा यांची हत्या झाल्याचे प्रकरणावर पोलीस स्टेशन वरोरा येथे अपराध क्रमांक ३७४/२०२६ कलम १०३(१), १०९(१), १८९(१), १९०, १९१(१), १९२, ३२४(५), १२६(२), २४९(ब), ४९, ३५१ (४) भारतीय न्याय संहिता अन्वये गुन्हा नोंद झाला असता, त्यामध्ये एकुण १३ आरोपी निष्पन्न झाले होते. त्यापैकी १२ आरोपी यांना अटक करुन न्यायालयीन कोठडीत रवाना करण्यात आले होते. सदर आरोपी हे संघटित स्वरुपात गुन्हे करण्याचे सवयीचे असल्याने नमुद गुन्हयामध्ये महाराष्ट्र संघटित गुन्हेगारी नियंत्रण कायदा १९९९ MCOCA कायद्यान्वये कलम वाढ करण्यात आली असुन पुढील तपास श्री प्रमोद चौगुले, उपविभागीय पोलीस अधिकारी चंद्रपूर हे करीत आहे.
यातील फरार आरोपी नामे जुम्मन मिडवा मिर्झा वय २४ वर्ष, व्यवसाय-पोकलैंड चालक हा गुन्हा घडल्यापासुन फरार होता. सदर आरोपीला पकडण्यासाठी पोलीस अधीक्षक चंद्रपूर यांचे आदेशान्वये विशेष पथक स्थापन करुन तांत्रिक विश्लेषण व गोपनिय खबरेच्या आधारे सदर आरोपीला पकडण्यासाठी सपोनि श्री दिपक कॉफ्रेंडवार, पोहवा /१७८४ अजय बागेसर, पोअं/५१८ गोपीनाथ नरोटे, पोअं/२७६१ शेखर माथनकर, चापोअं/१५४५ वृषभ बारसिंगे स्थानिक गुन्हे शाखा चंद्रपूर यांनी सदर आरोपीचा ठाव ठिकाणाचा शोध घेवुन सदर आरोपीला उत्तरप्रदेश राज्यातील बांदा जिल्हयातुन ताब्यात घेवुन आज दिनांक २६/०३/२०२६ रोजी वरोरा पोलीस स्टेशन येथे नमुद गुन्हयात अटक करुन मा. विशेष म. को. का. कोर्ट वरोरा यांचे समक्ष हजर केले असता, मा. कोर्टाने सदर आरोपीला दि.३१/०३/२०२६ रोजी पर्यतची पोलीस कोठडी दिलेली आहे.
सदर तपास / कार्यवाही श्री मुम्मका सुदर्शन, पोलीस अधीक्षक चंद्रपूर, श्री ईश्वर कातकडे, अपर पोलीस अधीक्षक चंद्रपूर यांचे मार्गदर्शनाखाली श्री प्रमोद चौगुले, उपविभागीय पोलीस अधिकारी चंद्रपूर यांचे नेतृत्वात पोउपनि श्री दत्तात्रय कोलटे, पोउपनि श्री मनोज वासाडे, पोहवा /२५७८ प्रशांत नागोसे, पोअं / १३०३ सुरज शेडमाके व स्थानिक गुन्हे शाखा चंद्रपूर चे वरील नमुद विशेष शोध पथकातील पोलीस अधिकारी व अंमलदारांनी केलेली आहे.
