६३वर्षाच्या दीर्घ लढ्यानंतर ग्रामस्थांना यश // पुनर्वसित नविन लाडज गावाला महसुली गावाचा दर्जा प्राप्त
मंगेश बनसोड
ब्रम्हपुरी- चंद्रपूर जिल्ह्यातील ब्रह्मपुरी तालुक्यातील जुनी लाडज या गावातील पूरग्रस्तांचे 1961 – 62 मध्ये देसाईगंज तालुक्यातील आमगाव ग्रामपंचायत अंतर्गत नवीन लाडज या गावात पुनर्वसन केले होते मात्र महसुली गावाचा दर्जा देण्यात आला नव्हता अखेर 17 सप्टेंबर 2025 रोजी जमाबंदी आयुक्त पुणे यांनी व्हिलेज कोड बहाल करत नवीन लाडज गावाला महसुली गावाचा दर्जा दिला याचा आनंद गावक- यांनी साजरा केला 3 नोव्हें. 2016 ला नवीन लाडज वाडीचे गावात रूपांतर करण्याबाबत अधिसूचना प्रसिद्ध केली होती या अधिसूचनेची अंमलबजावणी तब्बल आठ वर्ष उलटून देखील केली नसल्याने मागील 9 जानेवारी 2025 पासून गावकऱ्यांनी सातत्याने पाठपुरावा केला अखेर 63 वर्षाच्या लढ्याला यश येऊन गावाला व्हिलेज कोड बहाल करण्यात आला स्वतंत्र महसुली गावाचा दर्जा मिळण्याचा मार्ग मोकळा झाल्याने गावात गुलाल उधळून पेढे वाटून आनंद व्यक्त करण्यात आला.
