नागपूरच्या अंडर-१४ मुलं व मुलींच्या संघाची महाराष्ट्र राज्य रग्बी स्पर्धा २०२५ मध्ये सहभागासाठी तयार.

नागपूरच्या अंडर-१४ मुलं व मुलींच्या संघाची महाराष्ट्र राज्य रग्बी स्पर्धा २०२५ मध्ये सहभागासाठी तयार.

            रग्बी असोसिएशन ऑफ नागपूर यांचा अंडर-१४ मुलं व मुलींचा संघ ३१ मे २०२५ रोजी शिव छत्रपती क्रीडा संकुल, बालेवाडी, पुणे येथे होणाऱ्या महाराष्ट्र राज्य रग्बी स्पर्धा २०२५ मध्ये नागपूर जिल्ह्याचे प्रतिनिधित्व करणार आहे.

            मागील वर्षी पार पडलेल्या शालेय राज्य रग्बी स्पर्धा २०२४ मध्ये नागपूरच्या अंडर-१४ मुलांच्या संघाने कांस्य पदक जिंकले होते, तर मुलींच्या संघाने ८वा क्रमांक पटकावला होता. या वर्षी दोन्ही संघ अधिक चांगल्या प्रदर्शनासाठी सज्ज झाले आहेत.

            या संघांतील बहुतांश खेळाडू हे नागपूर जिल्ह्यातील डोंगरताल, देवळापार व कामठी यासारख्या आदिवासी व ग्रामीण भागांतील आहेत, हे विशेष अभिमानास्पद आहे. ही मुले आपल्या मेहनतीने व कौशल्याने राज्यस्तरावर पोहोचली आहेत.

         रग्बी असोसिएशन ऑफ नागपूर चे सर्व पदाधिकारी, खेळाडूंना शुभेच्छा देत असून आशा करीत आहेत की या वर्षी दोन्ही संघांकडून अधिक पदके मिळवून नागपूरचे नाव उज्ज्वल होतील.