ए.टी.एम. मशिन मध्ये सिल्वर रंगाची पट्टी लावुन पैसे चोरी करणाऱ्या टोळीस पोलीसांनी केले अटक.
दिनांक १४/०४/२०२४ रोजी फिर्यादी (काल्पनीक नाव) रा. रामनगर, चंद्रपुर यांनी पोस्टला तक्रार दिली की, यातील फिर्यादी ही दिनांक १३/०४/२०२४ रोजी सायंकाळी ५:०० वाजता दरम्यान सिंदी कॉलनी, दुर्गा माता मंदिर समोरील कॅनरा बँकेचे ए.टि.एम. मध्ये पैसे काढण्याकरीता गेली असता, कोणी तरी अज्ञात इसमाने ए.टि.एम. चे मशिनला सिल्वर रंगाची पट्टी लावुन लक्ष विचलीत करून ५,०००/- रूपये चोरून नेले अशा फिर्यादीचे तोंडी रिपोर्ट वरून पोलीस स्टेशन, रामनगर येथे अप.क. ४०१/२०२४ कलम ३७९ भादंवि प्रमाणे गुन्हा नोंद करून तपासात घेतला आहे.
नमुद गुन्हयाचे गांभीर्य तसेच चंद्रपुर शहरात वाढता ए.टि.एम. मशिन मधील पैसे चोरी करण्याचे प्रयत्न बघता मा. पोलीस अधिक्षक सा., चंद्रपुर यांचे आदेशान्वयें वरीष्ठ पोलीस निरीक्षक, सुनिल गाडे, पोलीस स्टेशन, रामनगर यांचे मार्गदर्शनात गुन्हे शोध पथक, रामनगर येथील अधिकारी व कर्मचारी हे घटनास्थळी रवाना होवुन घटनास्थळाचे आजु-बाजुच्या परिसरातील सी.सी.टि.व्हि. फुटेज चेक करून गोपनिय बातमिदाराचे माहीती वरून अतिशय परिश्रम घेवुन तांत्रिक पध्दतीने कौशल्यापुर्ण तपास करून आरोपी नामे कार्तीक शंकर मामीडवार वय २७ वर्ष रा. लालपेठ कॉलरी, बाबुपेठ रेल्वे स्टेशन जवळ चंद्रपूर तसेच दोन विधी संघर्षग्रस्त बालकांना ताब्यात घेवुन गुन्हयातील फिर्यादी हिचे चोरून नेलेले पैसे जप्त करण्यात आले.
नमुद गुन्हयातील आरोपी तसेच विधी संघर्षग्रस्त बालकांना अधिक विचारपुस केले असता त्यांनी यापुर्वी चंद्रपुर शहरात अंदाजे ५-७ ठिकाणी ए.टि.एम. मशिनला सिल्वर रंगाची पट्टी लावुन पैसे चोरी करण्याचा प्रयत्न केला तसेच बल्लारशाह येथे सुध्दा पेपर मिलचे समोरील ए.टि.एम. मधुन पैसे चोरी करण्याचा प्रयत्न केले असे तपासात निष्पन्न झाले आहे.
पोस्टे रामनगर अप.क. अप.क. ४०१/२०२४ कलम ३७९ भादंवि
घटनास्थळ
सिंध्दी कॉलनी, दुर्गा माता मंदिर समोरील कॅनरा बॅकेचे
एटीएम, चंद्रपूर
आरोपीचे नाव
कार्तीक शंकर मामीडवार वय २७ वर्ष रा. लालपेठ
कॉलरी, बाबुपेठ रेल्वे स्टेशन
जवळ चंद्रपूर तसेच दोन विधी संघर्षग्रस्त
बालक
जप्त माल
– नगदी ५,०००/- रूपये
(आवाहन :- चंद्रपुर शहर तसेच जिल्हयातील सर्व नागरीकांना आवाहन करण्यात येत आहे की, ए.टि.एम. मशिन मधिल पैसे निघण्याचे ठिकाणी सिल्वर रंगाची पट्टी लावुन पैसे अडकल्याचे भासवुन थोड्या वेळानी सिल्वर रंगाची पट्टी काढुन पैसे चोरी करणारी टोळी सक्रीय झाली असल्याने सर्व नागरीक सर्तक राहावे )
–
