सांस्कृतिक पुरस्कार आणि मानधन योजनेचे नामकरण
मुंबई, दि. 20 : सांस्कृतिक कार्य विभागामार्फत दिल्या जाणाऱ्या सांस्कृतिक पुरस्कार आणि वृद्ध साहित्यिक व कलावंत मानधन योजनेचे नामकरण करण्यात आले आहे. पर्यटन आणि सांस्कृतिक कार्य विभागाने तसा शासन निर्णय जारी केला आहे.
राज्य सांस्कृतिक पुरस्कारांतर्गत तमाशा लोककला पुरस्कार देण्यात येणार असून “पवळाबाई तबाजी भालेराव हिवरगावकर” असे या पुरस्काराचे नाव असणार आहे. किर्तन/ समाजप्रबोधन पुरस्कार दिला जाणार असून “ह.भ.प. शिवराज ऊर्फ रामदास महाराज जाधव” असे या पुरस्काराचे नाव असणार आहे. वृद्ध साहित्यिक व कलावंत मानधन योजना आता “राजर्षी शाहू महाराज” वृद्ध साहित्यिक व कलावंत मानधन योजना म्हणून ओळखली जाईल.
